› 選擇地區
三藩市
紐約
洛杉磯
其他美國地區
香港 台灣 北美
 
2016年01月12日

【多謝Shell!】林日曦嘆贊助商難搵:可能我黑面‧可能覺得政治敏感

建立時間 (HKT): 0112 06:00

毛記勁曲金曲分獎禮上,全晚講得最多,係「多謝Shell」。

依家,你喺Google,只要打個「多」字,第一個result就係「多謝Shell」。

網民沒有忘記,Shell破壞北極熊生態,而且石油部份來自被制裁國家。全場不斷高呼「多謝Shell」,甚至有人聲稱「以後轉用」這牌子,以示感謝其支持毛記。

國際關係學者沈旭暉就說:「Shell負責批經費的人,可以選擇A或B,A的效果是那些傳統公益活動,B是這晚,兩個選項之間,B值得鼓勵。我也知道B帶來的效益,不會令公司的爭議行為合理化,A帶來的高層社會網絡,卻更可能令公司的爭議行為變得sustainable,所以,也是B值得鼓勵。」

林日曦呢?

問佢搵冠名贊助係咪好困難?他坦言:「非常艱難,唔搵贊助一定蝕7位數。唔係有錢就任性,我哋唔係幾任性,搵贊助好幾次自己都有去,懶緊張咁,平時傾生意都費事,因為覺得自己唔係幾好態度怕趕走客,但今次驚同事難解釋清楚,乜嘢頒獎禮又唔係頒獎禮?所以自己去講解,但原來都唔得,幾失敗!
「可能我黑面,又可能agent覺得冇用,或者agent覺得有用但去到高層覺得唔值得做,又可能覺得政治敏感。我一直唔覺得有敏感,試過幾次接近成功,但傾到好高層,最後胎死腹中。」

「之前失望咗好多次。臨出街前兩日,我再見過Shell解釋一次,好記得嗰日中港大戰收電話,同事話落實,立即出宣傳宣布呢件事。」

林日曦再次多謝Shell:「多謝佢,我係最清楚,大家未必最清楚當中經歷有幾難,啲員工去sell都好難,你搵啲高層佢哋鬼知毛記電視係咩嚟咩,我冇直接說服佢哋高層,係我說服佢哋前線員工,佢哋前線員工同agentsell到啲高層先至係最難,自己親身feel到幾難,所以好感激!二就係感激啲高層相信後生員工,越高層越多包袱要諗愈多。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載