蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月16日

【短片】【毛記主播起底】專家Dickson諗過做和尚慘盈自認宅女

建立時間 (HKT): 0116 06:00

「我愛情路上戰績係22戰22負!」以愛情投資專家自居的Dickson,戀愛成績表一直是零,現實的他對自己的「package」評價同樣是零:「我演技又零、唱歌又零、跳舞又零、樣貌又零。如果100分入面,我諗我20分左右。嗰二十分係咩?我覺得係我寫嘢都叫OK。」原名阮文泰的Dickson,30歲,是嶺南大學中文系畢業生,做過教學助理和馬版編輯,現職《100毛》編輯的他,寫得一手好中文。但從沒想過憑自己的樣貌,居然可以做幕前。日前在毛記勁曲金曲分獎典禮,他更成為風頭躉,facebook粉絲倍增之餘,也甚得女士歡心。他笑說:「呢啲假象嚟嘅啫!」

記者:王梓嫚、譚倩宜 攝影:吉吉、陳志嵐

Dickson年輕時都幻想過擇偶條件:「以前膚淺啲,有五大條件:樣靚、性格、身材、有錢,第五好重要,佢爸爸媽媽都性格好。但去到30歲人,又冇女朋友,我會開始去諗有緣、有feel就得。」談到一次最接近的戀愛經歷,他說:「曖昧都有,喺眾人眼中係一齊,但又唔係一齊,最後都冇嘢。」他又笑言:「呢刻狀態係心如止水,都曾經諗過40歲嘅時候會出家!」

Dickson如今被塑造成毒男形象,又要攬着「小莉」,又要單手上網,問他可有介意?他斬釘截鐵的說:「絕對唔介意。我覺得毒男根本唔係負面嘢,只不過係冇女朋友,自己單獨咁面對生活。喺概念上面,我都係一個毒男。」其實他也渴望做一次型男,只是不會箍牙或整容:「絕對冇,呢個我招牌貨嚟架嘛!我要保留自己最真一面。」

也許就是這份真誠,令黃慘盈都十分欣賞他,盛讚他的package值80分:「其實可能都有80分。因為佢好有才華,對人好好,如果講package,最緊要性格,同對你夠唔夠好。因為我自己會諗,拍拖係會結婚,係會過人世,所以性格要啱。」原名JessicaLee的黃慘盈今年23歲,新聞系出身,入行前做過兼職記者、國泰空姐,現職《100毛》編輯及主播,她被塑造成港女形象,經常跟Dickson出雙入對,問她可有擔心?慘盈笑說:「唔怕,因為首先知道一定唔會同佢一齊,因為我哋係好兄弟!」即場派「好人卡」,全因為她已有一個100分的男友。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載