蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月21日

【似種菌實驗海報】瓊姐寸設計似廿年前樣板黎明:多謝你咁留意我

(facebook截圖)
建立時間 (HKT): 0121 06:00

黎天王一向為人風趣,估唔到連網上批評佢都樂意接受,認真夠晒大方!

電影《消失的愛人》喺內地上映,早前出poster宣傳嗰陣,高登瓊姐就喺上年貼圖笑呢套戲嘅海報似足「衛生署宣傳化驗室種菌實驗」嘅海報,又話好似啲「減價書特賣場、賣10蚊3本、老姑婆最鍾意睇果啲大陸言情小說封面」,更批評海報上寫嘅「被偷走的甜蜜蜜」、「隔世難耐魂歸最愛」、「最愛的靈魂忘不了你」呢三句slogan,令網民瓊姐打晒冷震。

呢位網民反問設計海報嘅人係唔係拎啲幾廿年前整落嘅template嚟用,不過,網民瓊姐都會補番句:「貫徹黎明Amusic嘅設計風格,都算幾專一呀佢。」

以上嘅批評都係出自高登瓊姐,不過,黎明竟然有留意到,噚日轉貼留言,喺facebook回覆:「多謝你咁留意我!」話晒都係天王級,諗唔到咁跟貼網上潮流。《蘋果》亦證實呢個facebook帳戶就係真‧黎明開嘅!!!

高登瓊姐噚晚先發現留言,似乎有啲受寵若驚,留言:「真。黎明LLLeonLai居然有睇,仲要多謝我留意佢!」據知個facebook係黎明新開。佢仲大讚黎明份人唔止對藝術有品味,仲有好多金句,令人發人深省,有深度、好文采、又搞笑!瓊姐見黎天王咁玩得,為咗表揚對方,即整咗唔少「金句圖」孝敬黎生。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載