› 選擇地區
三藩市
紐約
洛杉磯
其他美國地區
香港 台灣 北美
 
2016年01月24日

【想以愛還愛】關心妍痛心孩童被IS殘殺﹕呢啲事天地不容

建立時間 (HKT): 0124 06:00

關心妍噚晚喺尖沙嘴浸信會出席「生命反思大會」分享會,佢話創世電視搵咗一個機構,拍攝俾伊斯蘭國(IS)傷害嘅人嘅生活,有個地方叫雅茲迪,嗰度有好多小朋友俾IS捉咗去,包括7歲嘅小朋友已經被強姦同殺害,所以有關機構希望盡量拯救,有啲小朋友逃走唔到而放棄就會死,呢啲事真係天地不容。」

而關心妍就為呢個節目唱咗一首歌《像我這樣的一個雅茲迪女子》,佢話:「唱時好心痛,個地方咁遠,自己唔知可以做乜,希望大家多啲認識呢啲事,歌詞真係好觸動,諗起每宗個案心痛,唱唱吓都喊咗出嚟,好多小朋友被強姦無數次,呢啲事好殘忍,完全唔相信會發生喺不足10歲嘅小朋友身上,希望為佢哋發聲,令大家關注。」佢認為做人做事都唔應該以牙還牙,應該以愛還愛。

雖然世界好亂,但關心妍話唔會因為咁而唔生小朋友,佢話:「好彩我有信仰支持,或者生出嚟會好驚,但希望BB將來可以幫到世界,做和平嘅事,推動啲好事,唔使叻,但希望可以幫到人。」不過佢暫時都未成功造人,佢笑話:「希望快啲啦!生猴仔好呀,已經不停試,希望今年成功,農歷新年我會放個大假,o依家淨係唱歌都唔算忙,造人一定有時間。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載