蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月28日

【韓流】《HealingCamp》下周一玩完金濟東感遺憾

建立時間 (HKT): 0128 06:00

韓國SBS王牌綜藝節目《HealingCamp》製作組噚日透露節目喺2月1日播出最後一集,主持人金濟東噚日接受訪問時發表個人感受。

金濟東話噚日收到節目停播嘅消息,由節目開播以來到後來改版,佢都一直參與其中,同節目組度過咗4年7個月,突然聽到停播嘅消息都覺得好可惜。金濟東之前夥拍李京奎、韓惠珍一同主持,後來又同成宥利一起合作,佢當時覺得責任感更大,都更加努力。佢亦覺得係因為自己嘅不足而令到《HealingCamp》停播,對此感到更加遺憾。

回顧過去同《HealingCamp》共渡嘅時光,金濟東就話由一開始只邀請一位嘉賓,到改版後同觀眾一齊主持,呢段期間學到好多,亦好愉快。佢認為自己應該要表現得更好,但仍然有不處之足,都感到萬分抱歉。金濟東又話如果今後有需要佢嘅節目,只要《HealingCamp》製作組邀請,任何時候佢都會抽空參加。

最後,金濟東向觀眾表達感謝之情。佢話即將同喜愛《HealingCamp》嘅觀眾們道別,真係好抱歉亦好多謝大家嘅支持。又話托觀眾嘅福,《HealingCamp》先可以走到今日。同時未能達到大家嘅期待,金濟東再一次覺得好抱歉。

《HealingCamp》停播後,將由「國民MC」劉在錫主持嘅《同床異夢,沒關係沒關係》接替該段播放時間(韓國時間逢周一晚11點播出)。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載