蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月03日

【短片】【亞視開員工大會】股東代表稱再拖一個月先出糧遭員工指罵

建立時間 (HKT): 0203 06:00

亞視拖糧,除咗員工成日唔可以準時收到人工外,有報道指亞視內部亦「山窮水盡」,清潔公司暫停服務,新聞採訪車冇錢入油要停用,新聞部租用通訊社服務只係剩下路透社,連大堂玻璃爛咗都冇錢補等等,仲要刪減新聞時段,情況極不樂觀,噚日更網傳話亞視將會今晚七點結業。

亞視今午11點半忽然召開員工大會,據知係見司總司榮彬,員工亦急住趕返去,司榮彬並唔係宣佈結業,但員工希望佢交代拖欠部分員工去年12月及1月份糧一事,講吓出糧情況。

由於員工大會係緊急召開,好多藝員同事都趕唔切返公司,而被雪藏嘅蔡國威亦向《蘋果》表示未收到通知,佢稱:「我諗太突然同可能佢剩係同員工開。」

據參加會議嘅員工透露,股東代表何子慧在會上稱要一個月後才出糧,其後遭多位員工以粗口指罵,現場員工亦即起哄,何子慧不斷俾人用粗口鬧,而員工多番要求見司榮彬,對方亦留在辦公室,未有現身。

另外,《蘋果》亦收到讀者爆料指,亞視末日持續未能出糧,已多人離職,高層亦無法堅持,有傳亞視發言人兼高級經理黃守東及高級副總裁劉瀾昌於深夜向董事會辭職,聽日亦陸續有高層辭職,不過,發言人黃守東回覆:「我仍在亞視,感謝關心。我對亞視有深厚感情,未到最後,不輕言退。劉先生也仍在亞視。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載