› 選擇地區
三藩市
紐約
洛杉磯
其他美國地區
香港 台灣 北美
 
2016年02月24日

【出事㗎嘛!】為慳四千替身OT錢王浩信拍劇硬食受傷

(微博圖片)
建立時間 (HKT): 0224 06:00

大台慳皮呢樣嘢係人都知,低薪續長約呀!Cutshow呀!都已經聽過唔少!不過今次真係慳到出事,今日有周刊報道話,星期日(21日)晚王浩信拍攝新劇《致命復活》發生意外送院,明明額角同手指爆晒缸,額角傷口有三吋咁長,但事後佢喺微博公開情況,只係話頭同手指有啲皮外傷,刻意淡化傷勢,原來係為咗唔想幕後crew為呢件事孭鑊。

報道話今次意外,事源係當日劇組晨早六點幾已經喺屯門開始拍攝,當中有一幕王浩信喺車上同人爭執後,俾人推出車外拖行嘅場面,拍極都唔理想,搞到下晝三點替身收工都未拍完,劇組為唔想「outbud」俾高層詐型,為慳返4000蚊替身OT錢,導演拍心口叫王浩信親身上陣,最後乜冇飛車經驗嘅佢最後咪出事囉!

報道仲話入院當日王太陳自瑤帶埋三歲囡囡王靖喬趕去醫院,王浩信嘅父母同細佬都趕去醫院了解情況,直至十點幾,王爸爸同王浩信細佬帶阿囡走先,而王浩信因為有短暫失憶,為安全起見,要照埋超聲波同其他測試,王媽媽同Yoyo就陪住佢等report。

王浩信囡細老婆嫩,今次意外大步欖過真係還得神落,有啲錢真係唔慳得o架!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載