蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月24日
馬上成為壹會員

【資助港產電影喺大陸宣傳】財爺「送」你2千萬彭浩翔:完全不切實際!

(攝影:陳奕釗)
建立時間 (HKT): 0224 06:00

今日財爺曾俊華喺今次財政預算案中,財爺話注資2,000萬去「電影發展基金」,幫助港產粵語片喺內地宣傳(新聞連結: http://bit.ly/24oOf7w )。係,係注資2,000萬,助港產粵語電影打入大陸巿場,即由現時每部25萬元,增加至50萬元,美其名係協助業界善用CEPA措施,向大陸推廣粵語電影。

咁最後呢2,000萬係邊個袋?你話呢?

香港電影人點睇?

導演陳果:港片大陸都上唔到!
陳果今日接受《蘋果》電話訪問,認為唔合邏輯,佢話:「港片大陸都上唔到,麻麻地makesense喎。唯一試過上過嘅係得《狂舞派》,有內地投資者睇好,覺得勵志,買咗引入內地,除非真係好突出,上到映亦都係極少數。」
陳果又表示50萬嘅宣傳費只是杯水車薪:「細片宣傳都幾百萬,50萬交通費就差唔多,留返嚟香港拍片好過,錢太少。」

導演彭浩翔:完全不切實際!
同樣主打拍粵語片嘅彭浩翔都話:「咁完全就係不切實際啦!如果要拍一套能夠通過內地審查嘅戲,一早就講國語啦!你原本原音講廣東話,上到去發行商都叫你配國語啦!你俾嗰50萬宣傳,有鬼用咩?杯水車薪都唔夠內地嗰啲賣票房啦!」

演藝學院電影電視學院院長舒琪:當香港電影人係乞兒!
舒琪最簡單,喺fb就回應財爺:「叫佢慳番啦!二千萬!真係當香港電影人係乞兒!」

演員古天樂:重點係點樣利用呢筆錢
古仔今日以大使身份,到旺角出席國際電影節記者會,謂:「係好事,但係幾多錢唔係重點,係點樣好好利用呢筆錢,可以發揮到大家嘅創意,大膽去發掘新題材。」至於古仔會唔會考慮做導演?古仔肯定說:「唔會,做導演要放棄所有嘢,要完全抽離晒,暫時覺得仍然做演員好滿足,或者等我老咗冇嘢做先再諗。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載