蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月24日

【濱崎步遇着賓尼兔】 步姐過大海唔識賭兩手 開到聲恨開港澳騷

12,972
建立時間 (HKT): 0224 21:00

日本樂壇天后濱崎步重臨香港,日前偕丈夫到澳門欣賞麥當娜(Madonna)假新濠影匯嘅演唱會,步姐特別騰出空檔接受本報專訪,佢開到口表示望能夠再開演唱會報答廣大歌迷,唔止香港,佢仲話想到澳門開首次個唱。

濱崎步自下嫁美國籍丈夫Tyson後,不時傳出婚姻觸礁,但係佢今次旋風吹襲香港同埋澳門,步姐老公全程傍實,而且出巡又跟到足,以行動粉碎婚變傳聞。步姐日前抵達澳門,獲安排到開業冇耐嘅新濠影匯四圍參觀,見到賓尼兔仲愛不釋手,擺出可愛甫士拍照留念,而佢抽空接受訪問時表示,今次係佢第二次到訪澳門,幾年前首次踏足澳門係為年曆取景。問到步姐有否趁今次機會入賭場踫踫運氣?佢自言對賭博不太認識,反而好期望能夠踏上新濠影匯嘅舞台,佢表示:「聽聞這兒的系統及音響都是世界第一,我都好希望可以在澳門開騷。」步姐已闊別香港歌迷多年,佢表示隨時準備再為香港歌迷開金口,更反問記者:「幾時會找我開香港演唱會呢?」步姐先後與亞洲不同歌手作音樂交流,佢透露很樂意跟各地單位合作,當談到好拍檔林俊杰,步姐又立即讚不絕口,可惜雙方都各有各忙,遲遲未有時間見面。

步姐嘅精選碟《A BEST》於15年前創下500萬張驚人銷量,呢張唱片下月會推出特別版再度上架,步姐自言對碟內每首歌都猶如親生仔,每一首作品都對自己有好深嘅意義,要揀最鍾意真係好難取捨。

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載