› 選擇地區
三藩市
紐約
洛杉磯
其他美國地區
香港 台灣 北美
 
2016年03月02日

【短片】【美國FOX邀港藝人拍《我和殭屍》】馬小玲:冇回應況天佑:原來外國人都有睇!

建立時間 (HKT): 0302 06:00

當亞視聽日隨時係「大結局」,而強推普簡嘅CCTVB盛氣凌人,用民建聯數據報道新東最新選情戰,又批毛孟靜「大放厥詞」、甚至指摘她別有用心、「把簡體字盡量消失於螢光幕前」、「滿紙歪理」。

獲一男子加持而壟斷市場的大台,越發傲慢,脫離民情,而新一輪電視大戰的戰幔,已經揭開。先有來自大陸嘅樂視,再有美國影視串流服務供應商Netflix來港插旗,電盈旗下嘅ViuTV下月啟播,就連傳媒大亨梅鐸嘅21世紀FOXNETWORKSGROUP(下稱FOX),亦計劃進一步在港「本土化」——拍港劇。

去年底FOX國際頻道接受《南華早報》訪問時已表示將會拍攝一套廣東話迷你連續劇。首齣以香港本土為題材的劇集會用本地演員,每集投資額高達100萬美元(約780萬港元),而呢個劇,好可能就係亞視鎮台之寶———《我和殭屍有個約會》。劇集版權唔成問題,因為去年已經向亞視買咗!

消息來自《南早》,佢哋仲訪問埋美國FOX亞洲分部發言人,對方承認今年將重拍《我和殭屍》,預計20集,並以同一題材開拍電影版(呢招大台成日用)。角色方面,發言人透露將會選用新面孔,同埋大家熟悉嘅甘草演員——換言之,好大可能起用香港演員拍番。

FOX又稱,今次開拍《我和殭屍》,將會斥鉅資做特技化妝,總之就係不惜工本!

《蘋果》向況天佑/況國華/尹天照求證,佢話:「我唔清楚係咪改編,如果真係就覺得好得意,原來外國人都有睇!可能有中國人翻譯咗啦,其實外國大把殭屍片,可能佢哋未見過一隻成日喊、咁有感情嘅殭屍啩!」至於馬小玲/萬綺雯同亞視都表示冇回應。

不過講開又講,希望霍士拍《我和殭屍》嗰陣,可以搵個位解釋番,點解《殭屍1》嘅將臣咁醜樣,去到《殭屍2》變任達華咁靚仔?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載