蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月12日

【香港國際電影節】NMB山本彩下月初來港謝票

建立時間 (HKT): 0312 06:00

第40屆香港國際電影節由本月21日至4月4日舉行,日本女子組合NMB48的首輯紀錄片電影《NMB48女神之育成》亦會上映,紀錄片揭開隊中成員鏡頭後追逐夢想一面,仲有彼此嘅友情考驗。

主將山本彩偕人氣成員矢倉楓子將會訪港出席盛會見粉絲。山本彩去年曾來港為日本電視台節目取景,論到宣傳就係首次,佢早前喺日本宣傳該片時已表示知道香港有唔少粉絲支持,以往亦有港迷飛到日本參加握手會。二人將在下月3、4日現身沙田大會堂謝票。

今屆電影節亦邀請咗多位日本名導演來港與影迷見面,宮藤官九郎、黑澤清、行定勳、園子溫、中田秀夫五位都各有風格。

宮藤官九郎執導過多部高收視日劇,近年以《海女》最為著名,今次佢嘅新作《早死早投胎之地獄搖滾篇》,再次發揮其怪雞風格。而去年憑《身後戀事》一片喺康城獲得一種關注最佳導演嘅黑澤清,今次攜同其新作《怪鄰居》來港,該片由竹內結子及西島秀俊主演,係今屆電影節閉幕作品。

園子溫就同妻子神樂坂惠來港,夫妻檔電影《耳語星球》係部黑白片,喺311地震重災區福島拍攝,更走入核洩漏無人區域取景,園子溫亦有多部電影上映,包括《新宿天鵝》等。
至於《美好合一2016》由多個地方名導合拍短片而合成,當中包括中田秀夫執導的《在鎌倉》,他將與關錦鵬、賈樟柯一起現身。《在世界中心呼喚愛》導演行定勳,其新作《紅的告別式》由尊尼偶像中島裕翔及上位男星菅田將暉主演,揭露藝能界醜惡的一面。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載