蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月20日

【短片】仙樂都接手搞潑水節扮仙女向旅發局申請資助冇回音

建立時間 (HKT): 0320 06:00

泰國潑水節每年都會喺4月13至15日舉行,如果飛唔到去泰國感受當地熱鬧氣氛,不如試下參加本地嘅九龍城泰國潑水節。有一半泰國血統嘅「仙樂都」吳堯堯有份籌備今次活動,仲搵埋幾位好姊妹黃榕、尹蓁晞(Yumi)、許芯悅、火爆象、陳嘉嘉和傅蘊盈一齊扮潑水節七仙女。

日前七仙女去咗九龍城排舞及拍宣傳片,佢哋著上唔同顏色去代表星期一至日嘅仙女姐姐,即場同WaterAngel及兩位小司儀嚟一場輕量級水戰。一班女仔都好貪靚,黃榕笑話﹕「射邊都得,但就唔可以射面。」但小朋友玩得投入,容顏被射濕在所難免,仙樂都苦笑話﹕「呢啲祝福嚟既。」

仙樂都話去年都有向旅發局申請資助,可惜冇回音,佢話﹕「我哋一班泰二代由去年起接手搞,其實都係想推廣一吓泰國文化,俾土生土長嘅中泰混血兒同香港人一齊參與潑水節同巡遊。上年都有廿幾萬人參加,但向旅發局申請資助都冇人回應,好彩一班姊妹好幫手,義務唔收錢,我會整番啲泰國菜請佢哋食。」

除咗仙樂都之後,其他仙女大部份都未參加過潑水節,黃榕話﹕「泰國就未試過,但幾年前都係香港玩過一次,俾人射水都幾好玩,氣氛好熱鬧,但要小心手機被整濕。」而Yumi為咗靚仲專登玩節食,佢話﹕「我食咗麥皮一個禮拜,都瘦咗少少。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載