蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月20日

【青年電影手冊】城城再以《踏血》封影帝楊冪三掃爛片影后

城城繼於柏林華語電影節封帝後,再以《踏血尋梅》奪得內地青年電影手冊獲年度男演員。
建立時間 (HKT): 0320 06:00

由《青年電影手冊》主辦嘅2015年度華語十佳影片暨第七屆中國電影金掃帚獎頒獎禮今日喺北京同時舉行,雖然係兩個頒獎禮,但金掃帚獎每年都係揀全年表現最差嘅演員同幕後製作人士,所以得獎人一般都係唔會親自嚟攞獎,只有頒十佳影片嗰邊仲可以請到得獎人親自嚟領獎。

郭富城就憑《踏血尋梅》獲得年度男演員,而春夏亦都係憑呢部戲得年度新演員獎,至於《山河故人》嘅趙濤就封后。城城今日親自去北京攞獎,佢話:「好開心內地觀眾都認同《踏血尋梅》呢部戲,多謝大家對我嘅支持。」

年度導演就由王小帥憑《闖入者》奪得,年度男女配角分別係《解救吾先生》嘅王千源同《師父》嘅蔣雯麗攞獎。而獲選為十佳影片之一有《踏血尋梅》、《山河故人》、《一個勺子》、《醉生夢死》《刺客聶隱娘》《我是路人甲》、《師父》、《百日告別》、《家在水草豐茂的地方》同《闖入者》。翁子江嘅《踏》片雖然冇得喺內地上,但部戲依然得到內地觀眾同影評人認可。

至於金掃帚獎嘅最令人失望男、女演員,分別係《惡棍天使》嘅鄧超同《小時代4:靈魂盡頭》、《何以笙蕭默》嘅楊冪奪得,毒蘋果最令人失望電影獎都係由《小》片攞埋,最令人失望導演係《梔子花開》嘅何炅同《從天兒降》嘅魏楠同時奪得,最令人失望影片呢兩部片兼得埋外,鄧超主演嘅《惡》片都有份。楊冪已經係第三次得金掃帚影后,好多網友已批評佢接戲向錢看,接得太濫,之唔怪得經常冧莊攞金掃帚影后啦!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載