› 選擇地區
三藩市
紐約
洛杉磯
其他美國地區
香港 台灣 北美
 
2016年03月21日

【金像獎】張家輝首提名新晉導演當派對心態參與

建立時間 (HKT): 0321 06:00

第三十五屆香港電影金像獎頒獎典禮將於下月3日,係香港文化中心舉行,日前大會就集合部份部份候選人拍攝紀念特刊,除咗兩位準猴媽媽李心潔同湯唯外,仲有歌神張學友、張家輝、林嘉欣、張艾嘉、梁家輝、徐克導演、爾冬陞導演、張繼聰、林敏聰及張晉。

林嘉欣去年就憑《白百告白》奪得台灣金馬獎影后,成為金馬獎史上首位橫掃最佳女主角、最佳女配角及最佳新人獎的大滿貫演員,今次佢就憑《暗色天堂》入圍最佳女角,呢套戲係由佢老公袁劍偉執導,同《男人四十》嘅張學友再度合作,嘉欣就話非常開心,覺得被提名、被肯定並唔係一個人嘅功勞,係電影台前幕後合作嘅成果。

張家輝今次執導嘅《陀地驅魔人》,就帶挈佢入圍新晉導演同最佳男主角,家輝就話:「套戲今次嘅票房同口碑都十分滿意,這個鼓勵對比張家輝的個人身份、作為一個演員,今次所得的確實係另一種新鮮感覺。」家輝表示作為導演係一個新人,但於電影業內已打滾廿幾年,當晚將會抱住參與每年一度派對心態出席。

曾兩奪金像影后嘅張艾嘉,今次以《華麗上班族》入圍最佳女主角,對於能否獲獎,張姐就話順其自然喎,因為能夠做到自己喜歡嘅事已經十分幸福。

另外,以兩部電影《殺破狼II》及《葉問3》入圍最佳男配角嘅張晉,就話收到通知果一刻非常驚喜,佢認為演員背後為電影嘅付出觀眾好難睇到:「兩部電影都有動作成分,得到兩個提名已等同獲獎一樣高興,被認同是一個鼓勵和安慰。」同樣角逐最佳男配角嘅張繼聰對於《陀地驅魔人》能否奪獎,完全冇太大壓力,認為好友白只更值得奪得此獎項。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載