› 選擇地區
三藩市
紐約
洛杉磯
其他美國地區
香港 台灣 北美
 
2016年03月22日

【短片】【你阿爺吖!】重播32年前《鹿鼎記》53歲梁朝偉:望到自己個樣都嚇親!

建立時間 (HKT): 0322 06:00

第四十屆香港國際電影節暨澤東廿五周年晚宴今晚喺尖沙嘴舉行,梁朝偉(偉仔)專程喺內地趕返嚟出席今晚呢個晚宴,聽日又要內地拍攝新戲《擺渡人》,佢話新戲拍攝過程好順利﹕「o依家好放心因為已經進入大直路最後衝刺。」導演大讚你同金城武好有火花喎,佢回應話﹕「咁多年嚟都拍過唔同劇情片,而拍喜劇就屬於另一個角度睇件事,即使係嚴肅嘅題材都可以用另一個角度,拍喜劇就用一個輕鬆啲嘅角度,出到嚟嘅作品可以窩心啲,帶俾人希望,有正感量。」

佢另外提到,澤東電影已經二十五年好似時光飛逝咁,自己嘅作品都已經係十幾二十年前㗎喇。佢講到今年嘅計劃﹕「今年自己lineup咗三套戲,有《擺渡人》、《歐洲攻略》同埋一套推理喜劇。希望可以同啲未合作過或者想一齊合作嘅人拍戲。」咁你都好忙喎?佢話﹕「拍電影就係咁㗎喇,有時就喺到等,有時你想要題材同劇本就一齊嚟,都唔到你選擇。」

你咁忙會唔會冇時間陪嘉玲㗎?偉仔話﹕「佢仲忙過我啦!從來都係咁。」記者又問到佢知唔知o依家無綫又播緊佢22歲嗰陣主演嘅《鹿鼎記》呀?佢話﹕「我知呀,去到第十一集,我望到自己個樣都嚇親,即刻要瞓呀唔睇喇!」佢仲話冇keep到當時套劇o添。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載