› 選擇地區
三藩市
紐約
洛杉磯
其他美國地區
香港 台灣 北美
 
2016年04月01日

【胞妹涉與高官互換豪宅】賭王三太陳婉珍:我連報紙都未睇!

攝影:羅慧敏
建立時間 (HKT): 0401 06:00

今日係東華三院乙未年及丙申年董事局就職典禮,儀式於上環普仁街東華醫院禮堂舉行,新一屆主席係實德環球集團董事馬陳家歡,第一副主席為李鋈麟,第二副主席王賢誌。另賭王兒子何猷啟首次出任東華總理,同屆總理尚有馬清揚及蔡加怡等等。

何猷啟首次出任東華總理,曾任東華主席的母親三太陳婉珍今日帶同身穿姊妹裝手戴姊妹鈪的兩千金:超雲及超蓮出席,猷啟自言十分感動全家支持,之後更一齊受訪。問猷啟可覺得自己大個仔?佢話:「係呀!多啲嘢學,多咗使命感,要跟媽咪學習,都好需要佢支持。」

問三太可是出錢又出力撐仔仔?佢笑笑口話:「係啦,可以咁講。」有何提點?「叫佢做人要謙遜啦,講自己真誠嘅嘢。」至於爸爸何鴻燊點睇呢?猷啟話:「佢都好開心,叫我努力啲。」

何家超雲同超蓮有一手好廚藝,兩個家姐異口同聲說:「當然支持佢!」咁有冇煮好嘢食俾細佬食?「要佢減下肥,減下肥靚仔啲。」keep住瘦嘅超雲表示依家主力幫媽咪打理生意,又謂:「太耐冇出嚟,唔想講太多嘢。」至於三太噚日被本報拍得到中環睇醫生,佢就話:「睇皮膚問題,天氣轉,皮膚敏感,好小事啫。」

網媒「香港01」披露民政事務局常任秘書長馮程淑儀,兩年幾之前以一個半山單位,與三太胞妹陳婉玉名下公司,交換跑馬地兩個相連單位,交易於2014年4月30日完成,馮程淑儀並向陳婉玉繳交650萬元作為差價,事件惹起多項涉及利益衝突的質疑。對此陳婉珍表示:「我唔知呢單嘢,我連報紙都未睇,唔回應喇。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載