蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年04月02日

【短片】【解讀亞視遺言】無端被封「港獨女神」 羅霖毋懼返唔到大陸

建立時間 (HKT): 0402 06:00

踏入4月2日嘅凌晨開始,fb被兩張圖洗版,包括「本港台不存在,要刪除嗎?」同埋羅霖呢張有聲圖:「應該要獨立對」

「應該要獨立對」,成為亞視最後遺言。

近年來亞視不斷被染紅,漸漸大家已想不起,亞視成立之初,到邱德根林百欣年代,都係香港人嘅電視台。由被染紅,最後被枯死。亞視之死,有人說,這是預告了香港的命運。而亞視留給港人的最後說話,來得特別鏗鏘。

親睹真‧熄亞視,又看到最後在亞視螢幕出現的,竟然是自己…然後sharpcut,羅霖激動愕然,待見到自己張圖成為fb洗版圖,仲多咗個名叫「港獨女神」,真係O晒嘴。

對於唔少網民留言「港獨女神」,羅霖話有留意,不過就認為大家諗多咗、解讀錯誤:「我嗰句係講鼓勵女性任何時刻都經濟獨立,我係想咁講,女人要自強不息,唔好依賴某一方而生活,成日鼓勵女性要加油,經濟方面獨立,先可以精神自由。」

網民解讀成饒有政治意味,羅霖笑言:「冇,絕對冇政治立場,我啲朋友都問我,驚唔驚返唔到大陸?我梗係唔驚,我嗰句係意思都唔係咁樣,你睇番就知。多謝網民支持同錯愛,可能佢哋睇咗第一句,應該係經濟獨立,所以我睇到都好驚訝!」

大家亦都唔使再share嗰張圖俾羅霖喇,因為已經有好多人send俾佢:「我以為自己好平靜,我噚日冇瞓到,仲知噚日好多朋友,遠喺美國朋友、舊同事都截圖畀我睇,仲知好傷心、難過。」

越睇越傷心,香港人何嘗唔係?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載