蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年04月03日

【短片】【金像獎紅毯】上下真空JaniceMan肉光四射全場嘩然

建立時間 (HKT): 0403 06:00

憑《赤道》角逐最佳女配角嘅文詠珊(JaniceMan),今晚獨自一人行紅地毯,雖然係一個人,但係佢完全唔會孤單,全因佢着得非常性感,身穿VersusVersace裙,GiuseppeZanotti鞋,配上Forevermark8卡鑽飾,一行入紅地毯,就成為全場咗全場嘅目光,吸睛程度爆燈。

身穿黑色長裙嘅JM,甫步入紅地毯時,正面就係唔覺有乜睇頭,但係一見到佢側面同背面,就真係嘩聲四起啦,睇翻佢呢個造型,就好似當年周汶錡出席一個活動着唔多。

行完紅地毯後,JM接受司儀訪問就話:「呢個係一個特別嘅晚上,覺得呢一身扮比較硬朗,同提名角色好夾。」佢仲話着呢套衫最難係乜都防走光措施。問佢有無信心攞最佳衣着獎,佢就話:「隨心啦!」

JM稱今日著得最大膽,事前用咗3個鐘做防走光嘅準備,稱自己今次係以《赤道》角色嚟揀裙,因為戲中演冷酷嘅殺手,襯番個好型嘅路線,上身貼咗膠紙,佢又暗示冇著底褲:「因為打唔到底,今次係最大膽,畀個驚喜大家。」佢就話一陣行完紅地毯,要換過第二套冇咁性感嘅衫。

被問下面會唔會涼浸浸?JM直言:「都會,之前試過晒都著唔到under,同埋呢個係條裙嘅特色嚟。」JM講之前未試過唔著under出公開活動,自己亦未知會唔會拎到「最佳衣著」獎,睇Kathy姐(周汶錡)點評佢。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載