蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年04月11日

【拍GV因禍得福】小林竜介飛返日本獲有心人爭住合作

建立時間 (HKT): 0411 06:00

香港三人男子組合R-ice嘅日籍成員小林竜介,日前被發現曾接拍GV(同志成人片),點知即被香港公司炒魷,令佢明星夢碎之餘,仲要執包袱返日,被迫撤出香港娛樂圈。

小林竜介今日下午已搭4點幾機飛返日本,噚日佢臨走前接受本報記者電話訪問,重提呢段GV喺4、5年前拍攝,雖然係後悔,但亦希望以過來人身份呼籲年輕男女唔好受騙,仲話:「Iwillbeback!」。其實噚日《蘋果》報道完小林因拍GV而被炒魷嘅消息後,互聯網及社交網站都引起頗大迴響,唔少網民都戥小林唔抵,大讚佢睇得唱得,炒佢簡直係損失云云,仲希望小林可以捲土重來,亦有人將事件與恐同、性別歧視混為一談,有網民話蒼井空、波多野結衣拍AV就係女神,認為小林曾拍GV都唔係咩大不了。就連台灣、新加坡等地都有轉載小林嘅報道,出櫃藝人梁梓禧(前名梁奕倫)、作家健吾又分別話想約佢簽約合作同埋做訪問。

由於小林嘅演藝夢慘告落空,唔少有心人都話要仗義救救小林,好似名公關鄭紹康今日都上載佢同小林嘅最新合照,據知對方亦好同情小林嘅遭遇,記者致電鄭紹康,得知呢兩日至少有三個單位想搵小林傾談合作事宜,相信小林好快可以返港發展,話唔定今次真係因禍得福。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載