› 選擇地區
三藩市
紐約
洛杉磯
其他美國地區
香港 台灣 北美
 
2016年04月18日

【短片】【開頻道專重播亞視劇】亞視人現身大台網民嘲跟ATV軌跡倒閉

建立時間 (HKT): 0418 06:00

仆你個X亞視定無綫嚟,亞視定大台呀…噚晚大台將收費電視頻道改組,當中開咗一條頻道叫「亞視台」重播亞視以前嘅劇集,話晒無綫之前買咗亞視劇嘅版權,包括《肥貓正傳》、《美麗傳說》及《我和殭屍有個約會》等經典劇,早前鮑姐聽到都忍唔住問,點解咁似亞視嘅「歲月留聲台」,唔少網民預視無綫將會「亞視化」!?

噚日一班前亞視藝人袁文傑、蔡國威、林韋辰及姜皓文等,均有現身TVB,而早已過檔大台嘅江美儀、陳展鵬及陳煒亦有同台,雖然亞視已經「壽終正寢」,不過呢班「A記」朋友感情不變,唔通亞視呢股人情味,真係去到邊散到邊?

袁文傑噚晚喺facebook貼出多張合照,一班昔日亞視好戰友喺大台相聚,留言:「A記又聚會喇,此情此境,真係好難得,特別台上的那一刻,你懂的……」而網絡紅人司徒夾帶亦喺fb寫道:「站喺藝人角度,你話如果無綫請埋蔡國威、袁文傑同黑仔都唔錯。」

不過,啲網民就有另類睇法,質疑大台咁做會唔會「然後跟ATV軌跡倒閉」,話晒之前葉家寶都講過亞視死因,因為太多重溫,無限loop先出事,再加上目前有ViuTV呢個競爭對方……大台要爭出「新意」先夠人撼噃!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載