› 選擇地區
三藩市
紐約
洛杉磯
其他美國地區
香港 台灣 北美
 
2016年04月18日

【短片】【又到收視出爐】大台平均收視幾乎全線跌《晚吹》打殘《晚間新聞》

建立時間 (HKT): 0418 06:00

又到星期一,即是又到收視出爐嘅時間,上星期無綫黃金時間面對新對手ViuTV進擊,收視即告下跌,今周有人妻Kay首次擔正拍劇嘅《殭》開播,成績如何呢?

《殭》上星期一(11號)首播至星期二,收視最高都曾去到平均有24、25點左右,但去到星期三已急跌至徘徊於21點,到星期五首節平均20點,去到尾段先回升至約23點左右。而《末代御醫》則整個星期平均最高曾去到25.4點收視(12號星期二最尾一節),但上星期五已跌到19.1點,最後一節升回平均21.1點。

睇返全體星期平均收視,除咗星期三嘅《新聞透視》升之外,全線均告下跌,就算《殭》有人妻Kay幫拖,首播一星期平均收視亦只有23點,同《愛.回家之八時入席》一樣。上星期一至五全體平均收視,總體下跌為1.2。

不過值得注意的是,平時星期六及日的《晚間新聞》平均都有雙位數收視,以對上兩星期為例,4月9日的《晚間新聞》收視為13及10.4點,10日則有14及9.4點,但去到上星期,16號的《晚間新聞》只有平均7.9及7點收視,昨日星期日亦只錄得平均8及6.6的收視,差不多跌了一半,而呢個時間,正正係ViuTV嘅話題節目《晚吹》播出時間,噚晚一集更係周永恒做嘉賓,睇嚟節目性質完全唔一樣,都一樣搶到客。

*1點=64,910觀眾

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載