› 選擇地區
三藩市
紐約
洛杉磯
其他美國地區
香港 台灣 北美
 
2016年04月20日

【ViuTV節目好激?】黃淑儀學習接受:如果我係嘉賓,我死畀你睇!

建立時間 (HKT): 0420 06:00

黃淑儀今日帶埋老公喺灣仔接受由吳綺莉主持嘅dbc數碼電台節目《越界傾情》訪問,吳綺莉表示同淑儀姐喺節目中大談電視圈事:「最近啲人成日話少睇電視,有啲執埋笠,大台又蝕,呢行喺香港好難搵食。」

淑儀姐認為問題在於現時製作冇以前咁認真、冇咁多元化,好流水作業,佢仲舉個例子:「10年前,有冇人提咁多韓國嘢,大家對韓國車冇信心,但13年前韓國有套《大長今》,之後就有好多旅行團會睇佢哋喺邊度拍,睇佢哋點做泡菜,電視製作認真係可以帶動成個社會經濟,以前追日劇,依家追韓劇,係一個現眼報,係一個好嘅回報,係人都知好多人喺韓國整容,但冇依家講得咁勁,好似拍《茶是故鄉濃》同《酒是故鄉醇》,好多人都去中國大陸睇個景,所以製作認真係有回報。」

講到有新電視台ViuTV,淑儀姐表示有睇,不過要慢慢接受,佢話:「佢嗰啲咁新嘅嘢,啱後生,嗰啲訪問我都嚇一跳,如果我係嘉賓,我死畀你睇,哈哈。」(應該係講緊陳淑蘭訪問周永恒一集)有冇睇火火同Kevin仔嘅節目﹖淑儀姐話:「有。」作為觀眾,接唔接受到呢啲尺度﹖佢話:「我會學習接受,點解人哋肯做,點解咁多人睇,點解有咁多話題。」吳綺莉則謂:「就算我哋唔接受都好,其他地方電視台做,你就坐喺度唔做,咁梗係死啦!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載