蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年04月25日

【短片】【45歲結婚】梁佩瑚寄語中女:緣份到唔使刻意打扮,係中嘅就中

建立時間 (HKT): 0425 06:00

現年45歲、1989年港姐季軍梁佩瑚噚日喺三亞結婚,老公係圈外蒙古商人,講到當日兩人第一次見面,梁佩瑚話自己係着短波褲、波鞋孭球包帶太陽眼鏡現身,佢自嘲:「其實係有啲爛撻撻嘅樣,但佢一見到我,反而覺得有心跳感覺,所以呢啲嘢我覺得係緣份嚟,緣份嚟到你唔使刻意打扮。」

梁佩瑚仲呼籲未嫁得出嘅中女:「各位單身姐妹,緣份嚟到唔使刻意打扮嘅,係中嘅就中,大家要畀心機,唔好放棄,因為之前我屋企人,尤其細佬焯皓,都成日幫我做好多嘢,如果我第日嫁唔出點照顧我,譬如買定啲樓同我一齊住呀,有好多嘢寫晒我名,驚我嫁唔出,譬如保險金畀我,所以我嫁到畀老公,佢都好開心,放下心頭大石。」問到有冇擔心過嫁唔出?梁珮瑚坦言:「未識佢之前冇擔心嫁唔出,因為自己都好忙,但有時夜晚一個人瞓喺張床,會諗以後life係咪就咁過呢?」

問到老公做生意係咪有錢人?梁佩瑚話:「老公唔係好有錢,普通商人,所以我冇壓力,因為唔係豪門,佢啲屋企人都係好腳踏實地做事,佢哋好遷就我包容我,知道我喺香港都好忙,所以冇衝突嗰啲嘢。」有冇生B壓力?梁佩瑚話:「冇呀,因為老公之前嗰段婚姻已經有個仔,13歲,所以我完全冇壓力,呢個係我哋其中一個一拍即合原因,因為之前我交往過嘅人話想生仔,但老公已經有個仔,完全冇生仔壓力,更加可以快走在一起。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載