蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月10日

【短片】【男煮人1】娛圈撈極冇人識 吱吱鼠伍文生烘出彩虹

吱吱鼠伍文生成功轉行當蛋牛治專家。
建立時間 (HKT): 0510 06:00

伍文生(Isaac),曾任兒童節目主持,演出無數劇集,08年他離開效力13年的電視台,放下香港的一切與太太回到澳洲生活。5年後,他回流返港,於岳父的蛋牛治店學藝,到現時已是三間蛋牛治外賣店、Café的老闆。

記者:譚倩宜 攝影:馮峰、吉吉

一連三集的《男煮人》系列會介紹三位不同背景、風格及主理食品的男廚師,首集介紹的是有文生哥哥之稱的伍文生(Isaac),2014年他在大角咀開設首間蛋牛治外賣專門店,至今已有3間分店。說到當初選擇離開效力了13年的電視台原因,Isaac表示:「當去到一個地步,你再做落去都係咁,睇唔到有咩突破,所以就決定同太太返澳洲。」於澳洲Isaac曾當節目主持、婚禮司儀、Handyman甚至從事老人事業,後來因為岳父的一通電話,Isaac決定回流返香港:「有日岳父打畀太太,問我喺澳洲生活成點,佢話30幾歲人,冇理由成世就咁喺澳洲,我諗下又係,既然都已經拎咗居留權,又生咗小朋友,所以就決定返香港。」

回到香港,Isaac先於岳父的新香園堅記「實習」,之後在岳父介紹下,到了一位uncle的茶餐廳工作:「喺呢段時間我學識點去運作一間舖頭。半年後個uncle又覺得我要出去闖,於是就提議同我合資開外賣店。」第一間屬於Isaac的外賣店舖就此誕生,之後他更買下拍檔的股份,全資擁有這家外賣店。

要捨棄工作了13年的幕前工作,轉型從事飲食業,問到Isaac當初是如何做得到?他說:「最重要係我中間去咗澳洲生活,學識放低自己。」每當有客人認出自己時,Isaac都會大方回應:「有時啲人關心你,問你點解會轉行,我會答佢『係呀,轉咗行呀,既然認得,不如食多份蛋治啦!』好多時大家都係吹水,如果你想低頭唔俾人見,你可以低到幾時,倒不如抬頭做。」

雖然有3間屬於自己的外賣店,但Isaac指並不打算以此當終身職業,他笑說:「做飲食好辛苦,所有做飲食嘅男士都冇手毛,因為對住啲火爐,咩手毛都會燒晒。」Iscca指當初於深水埗以外的地方開蛋牛治店,只因覺得如此美味的食物只有一個地方可吃到,實在是太浪費:「我最希望喺唔同區都可以有蛋牛治外賣店,唔知做唔做到,試下囉。」拿得起,放得低,這正是真男人所具備的特質。既然娛圈發展不如意,就毅然轉行闖出一片新天地,Isaac完美演繹出這打不死的港人精神。

下集《男煮人》將會介紹有「日本通」之稱的拉麵達人MeterChan,看看他如何將日本拉麵文化引入香港,明日請繼續追看《男煮人》系列第2集。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載