蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月18日

【韓流】宋仲基封明星愛迪生《快樂大本營》展臂力

建立時間 (HKT): 0518 06:00

神劇《太陽的後裔》男星宋仲基自從因為劇集爆紅後,不時登上各大選乜選乜獎嘅冠軍,好似聽日就係韓國「發明日」,所以韓國一個高等教育企業就進行咗調查,以「會像愛迪生一樣擅長發明嘅發明王」選舉。

最終宋仲基再次成為冠軍,以42%嘅得票率獲得第一名。根據該教育企業負責人話:「如今已經成為人氣韓流明星嘅宋仲基仍然同無名時期一樣保持住謙遜嘅態度,對同事照顧有加,擁有誠實嘅形象。聰明嘅頭腦加上誠實嘅人生態度令佢能成功進入成均館大學,完成學業,仲獲得今天嘅成就。」而唔少投票嘅網民都認為宋仲基一直保持好謙虛兼具有好頭腦嘅明星最適合配上「發明王」呢個稱號。

至於BIGBANG嘅G-DRAGON就以24%得第二名,第三名係《巴黎戀人》嘅朴新陽同徐太志,第四名就李敏鎬和朴信惠,第五位就係宋慧喬同金惠秀。

另外,早前宋仲基到長沙錄影內地節目《快樂大本營》,佢有份出演嘅一集將於本周六播出,而今日《快樂大本營》就公開咗最新預告,當中可見宋仲基玩遊戲時好鬼投入兼七情上面,佢又展示佢嘅臂力,又因為女星賈玲喺節目中扮宋慧喬而搞到佢笑唔停。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載