蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月19日

【珍姐惡鬥杜之克】停廠事件搵人祭旗 監製關永忠冇人保「被辭職」

《親親我好媽》雖已煞料,但是非依然不斷,有指監製關永忠成權力下嘅犧牲品。
建立時間 (HKT): 0519 06:00

無綫黨羽內鬥,有唔少人成為犧牲品!早前大台有套劇《親親我好媽》,由前無綫戲劇製作部總監梁家樹愛將關永忠負責,演員有陳敏之、黃智賢及江美儀,有指因劇本同埋高層權鬥問題,突然要「停廠」4日,事關重大。

今日有消息話,關永忠要為停廠一事負上全責、成為今次事件嘅刀下亡魂。咁點解要停廠呢?有說係因為劇中演員投訴劇本好差,結果嘈下嘈下嘈到上面度。

助理總經理杜之克同製作部非戲劇製作總監(綜藝科總監)余詠珊係同一陣線,與曾勵珍鬥生鬥死。今次監製出錯搞到停廠4日,喺秒秒都係錢嘅大台嚟講,真係好大件事,而呢隻鑊,亦一定要搵人孭。

問題嚟喇,隻鑊邊個孭?《親親我好媽》套劇係杜之克落Order要開,而一聲令下話要「停廠」嘅係珍姐,但係要「死」嘅,都唔係佢哋,由「前朝遺孤」兼《親親》監製關永忠去孭,亦是意料之中。學羅家英話齋,「梁系已飄蓬葉落,你明白的」,梁系,就係梁家樹。人一走茶就涼,珍姐唔保關永忠,好正常。

消息指,關永忠接到大信封後,大台下旨叫佢低調處理,話叫佢出去同人講係自己「請辭」,唔係「被辭」喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載