蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月22日

【同2047特首上學去】灘叔想睇卓韻芝被「整濕」搲同學仔屋企過夜

建立時間 (HKT): 0522 06:00

今晚ViuTV播出嘅《同2047特首上學去》第2集,馬浚偉、鄒凱光(灘叔)、Roybnn&Kendy、卓韻芝化身「小學生」踏入課室上堂。

灘叔就話一向都知卓韻芝係個好tough嘅女仔,唔知小朋友嘅真摯可唔可以搞濕阿芝…雙眼喎…佢自己第一日返學就遲到,佢話自己住九龍區好遠,所以就搲隔離位住深圳嘅李同學可唔可以俾佢過晚夜,仲要包伙食o添。同學仔就醒目嘅,話要問下老竇先,不過最後灘叔都成功搲到屋住,仲話覺得人間有情。當日放學落住雨,灘叔請李同學搭的士,車程中問李同學點解會喺香港讀書,李同學就話係媽咪帶佢落嚟,話香港學習好啲,環境好啲。香港環境好啲?你未落嚟嗰時就係,唔信你問灘叔啦!

卓韻芝到底有冇被整濕雙眼呢?佢就覺得個感覺好好,因為小朋友充滿好奇心,仲有個陽光小男孩借個鈎俾佢掛雨褸o添!不過睇嚟佢真係好耐冇上過堂,唔專心又上堂畫公仔,不過真正會整濕佢雙眼嘅就係佢要寄宿,仲要每日朝早六點半起身,加上成年人生活相對自由,但係佢o依家嘅生活就被限制住,唔同時段有唔同嘅事要做,唔知佢慣唔慣呢?

Robynn&Kendy今集就相對開心啲,一返到學校校長就俾咗兩部平板電腦佢哋上堂用,見完校長就去上電腦堂學寫鋼琴app。Kendy就聽到一頭霧水,Robynn就以為自己成功咗,點知個app出唔到聲…之後有個「app神」同學仔出嚟,三兩下手勢就救咗佢喇!寫完app佢哋仲跟住同學仔去咗音樂室,Kendy聽到同學仔講《StnadByMe》就喺木片琴到敲出嚟,點知同學仔講嘅係飲品廣告歌,而唔係佢諗緊嘅經典金曲,這就是代溝……

馬浚偉去到學校就介紹自己做「馬最曳」,佢又的確幾曳嘅,冇着PE衫搞到上唔到,成程就幫老師做助教。上英文堂嗰時就話﹕「WhenIgrowup,Iwanttobeastudent」仲突然感性咁話啲同學仔可能覺得我講笑,不過當佢哋大個咗就會明。


娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載