蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月04日

【ViuTV實況選美】33C中國小姐季軍朱盈盈:夠靚不妨去參加

朱盈盈曾參選13年港姐,可惜未能入圍。攝影:陳俊強
建立時間 (HKT): 0604 06:00

今年27歲嘅朱盈盈(Zenia),喺2013年報名參選港姐,不過喺第二輪面試被踢出局,隨即轉戰亞姐,順利入圍以《2013亞洲小姐競選》港區代表出戰大中華總決賽,及後參加中國小姐,最終勇奪全國季軍,提到ViuTV正籌備實況選美節目《美選D.n.A》,問Zenia有冇興趣參加﹖佢話:「喺選美方面,我夠晒喇,都有好多經驗,但我呼籲身邊朋友,只要夠靚夠自信就不妨去試吓,因為呢樣係幾好玩幾挑戰嘅一樣嘢,今次選美既然咁冇限制,我覺得靚女鍾意就去試下,唔使考慮咁多。」

Zenia早前以豐胸纖體代言人身份,著住泳衣喺石澳拍攝廣告,雖然Zenia擁有33C、25、35,但原來佢喺中學年代,已經瞞住媽咪,儲錢進行豐胸療程,佢話:「我返學時有個花名,啲人叫我做『偉大』,但我覺得唔夠大,當時有32B,因為我想豐滿啲,著衫靚啲,我又鍾意女人味打扮。」有冇諗過隆胸﹖Zenia話:「隆胸始終涉及手術,風險性比較高,都驚,我又怕痛,同埋o依家都夠用。」男朋友覺得夠用﹖佢笑住話:「女仔唔使去到Fcup、Gcup,誇張咗啲,行路又辛苦,Ccup就ok,不過我o依家冇男朋友,如果有會問下佢。」Zenia表示好想下半身嘅線條再實結啲。

提到Zenia早前拍攝電影《神探》,佢透露喺片中同何華超有情慾戲,佢笑住話:「當時好緊張,因為係第一次拍呢啲場面,我同超哥有幾close身體接觸,超哥食我波餅,都有啲尷尬,但超哥係一個好專業演員,所以過程中,都唔會覺得唔自然。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載