蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月13日

【《慳啲啦honey》專訪】阿文Edwin被揭造假竟然係關剪接事?

攝影:沈健程
建立時間 (HKT): 0613 06:00

點樣嘅愛情先叫經得起考驗?兩個人同生共死?定係經歷突如其來嘅世紀大災難,先稱得上修成正果?

事實係,人生又有幾多大災難要面對先?簡單如處理生活上柴米油鹽醬醋茶呢啲小事,對於情侶或者夫妻,可能先係最大嘅難關。

ViuTV熱播嘅實況娛樂情侶真人騷《慳啲啦honey》,冇安排人生導師、把妹達人、配對專家,亦唔標籤港男、剩女,只係血淋淋咁將4對情侶嘅生活擺上檯。好多人睇過都覺得過癮,因為香港人如你我,都鍾意食花生。

四對情侶分別係:
1.同樣愛跳舞嘅健健同Rachel
2.曾經一齊浪遊嘅阿文同PanPan
3.經營性商店嘅Picco同Vera
4.金融界俊男美女Edwin同Crushy

日前,呢四對情侶(除咗Crushy要返工同埋已經去咗大台做行政助理嘅PanPan)喺銅鑼灣接受《蘋果日報》專訪,鏡頭前出賣自己笑聲、眼淚同嬲豬樣嘅佢哋,做訪問時同樣唔扮嘢做自己。

【Edwin&Crushy:模特兒扮金融才俊】
真人騷,造假從來都係大忌,節目甫出街,阿文同Edwin就被人質疑造假。自稱係金融界嘅Edwin(羅啟聰),原來係模特兒,仲俾人話佢同Crushy係假情侶。Edwin喺訪問當日就拿出證據來,大方分享同女友Crushy嘅素顏親密照:「好多嘢因為剪接,大家睇唔到,但係如果我哋唔係情侶冇可能一齊捱到呢十日,連廁所都冇得去呀!我哋仲要乜都冇得個帳篷瞓,好熱又落大雨成個營濕哂,如果係partner,冇可能咁。」

【阿文&PanPan:野佬原來係導演】
而報稱無業嘅浪遊人阿文,被踢爆o依家係ViuTV導演。訪問當日,由節目入面日日着波衫兼唔打扮嘅長髮「野佬」造型,變身裇衫眼鏡型佬嘅佢,真係好唔同,唔通真係ViuTV搵自己友做節目?

原來節目入面最火爆又幽默嘅真性情冇變過,面對質疑,阿文話:「其實我唔係導演,我只係一個小小嘅監製仔。玩嘅時候冇嘢撈吖嘛,嗰時唔係自己友,後來公司要請人,機緣巧合咪加入咗囉。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載