蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月15日

【因父之名受辱】Toby為「梁家樹」受辱:我都有阿爸阿媽生㗎!

Toby兩個月前離開大台,o依家搞自己生意又抽啲時間拍老竇梁家樹監製嘅網劇。(攝影:陳俊強)
建立時間 (HKT): 0615 06:00

有個前無綫戲劇分部製作總監父親梁家樹,Toby梁靖琪21歲加入娛樂圈,04年與陳美詩(Macy)、廖雋嘉(Elise)及張曼伶(Bella)組成「女生宿舍」,但4人之中只有佢可以單飛出唱片。

歌手之路唔易行,Toby隨後加入無綫,好快就有機會喺劇集《男人之苦》擔任做第二女主角。但外界對Toby嘅演技一致負評,日前Toby喺觀塘接受《蘋果》獨家專訪,諗番起都有啲眼濕濕,佢話:「乜難聽都聽過,話你樣衰、演技差、男人婆,仲有粗口添,其實我都有爸爸媽媽生嘅,點解要咁講呢?!」

「我爸是梁家樹。」Toby當然知道,好多人覺得佢有特權,Toby都好坦白表示此身份為她帶來方便,她稱:「其實邊有父母唔幫自己嘅仔女,邊個父母會丟低自己仔女話『你自己做啦!』但我可以講,爸爸媽媽只可以培育你,但下一步都幫唔到你,最後都係要靠自己。」

梁爸梁媽疑因權力鬥爭離開無綫,Toby亦選擇喺今年4月約滿後不再續約,問佢有冇唔捨得?Toby話:「我經理人一向都係我媽咪,做咗咁多年,我覺得可以嘗試多啲唔同電視台,例如網絡電視。」

Toby至今仍冇放棄演戲,最近接演由爸爸梁家樹監製嘅網劇《無間道》,Toby話:「預咗又有人講,我知道畀人話我演技唔好,但我背熟劇本,唔遲到。我相信每個人嘅人生都有伯樂,我要為自己爭氣。如果你問我鍾唔鍾意演戲,我非常鍾意,但試到一個階段,真係唔得我就會死心。」

採訪:嵐山
Hair:MichealLam@iHair
Makeup:StephenLauLornaJane

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載