› 選擇地區
三藩市
紐約
洛杉磯
其他美國地區
香港 台灣 北美
 
2016年06月16日

【短片】【C1頭條】練海棠被爆偷食34D長髮女伍詠薇責夫﹕玩完要老婆執手尾

建立時間 (HKT): 0616 06:00

伍詠薇21歲時有過一段婚姻,1990年她嫁給年長30歲的會計師翁江培,婚後13日丈夫因急性心肌梗塞離世,9年後伍姑娘再嫁廣告人練海棠。生性浪漫的練海棠婚後就算被拍到與不同的異性約會,伍姑娘均會出言力撐。昨日年仲半百的練海棠再被《壹週刊》拍到他載34D長髮女食飯睇戲,之後再到南灣沙灘附近,二人由車頭鑽入中排座位,在車內逗留兩小時。昨日伍姑娘現身中環錄影,她代丈夫道歉後,直言老公玩完要老婆執手尾。

伍姑娘昨午為有線電視錄影《伍姑娘真識食》,約2時許,她棄用老公的偷食七人車,並坐有線的專車到達。手上戴着白水晶手鍊的伍姑娘心平氣和,全程保持笑容受訪,她說:「(同練海棠)傾咗少少,我同佢講『你講一次畀我聽吖!』好平心靜氣嘅,但內容就毋須要同大家交代。」她又為此事令記者及親朋好友帶來不便鞠躬道歉。

入到拍攝場地,伍姑娘再接受訪問,她謂看了新聞片段後,感覺內心頓時「噗」了一下,之後叫醒老公,要求一齊再睇,她說:「原來自己都可以好冷靜,仲要求老公講吓發生咗乜嘢事。」伍姑娘又表示會回家再搞清事件,她說:「拍出嚟雖然係真事,我承認係真事,今次冇得走雞,所以了解問埋下一part,睇吓乜嘢事,先至閂埋門處理家事。」

伍姑娘透露下月1日結婚17周年,與老公關係仍然好鞏固,希望大家祝他們好運,又叫老公以後要乖,她更代老公向大家道歉:「佢(練海棠)要佢太太走出嚟,自己玩完泥沙就要老婆出嚟同佢執手尾,我代表練海棠同大家講聲唔好意思。」伍姑娘表示稍後回家會做大審判,她說:「我問佢有冇嗰啲(曳曳)先,就好似我做節目問人有冇嗰啲先。如果講完成段漂亮嘅說話,原來有做嗰啲嘢嘅,咁我就冇嘢講㗎喇。」但她補充指絕對信任老公。

對於伍姑娘手上的白水晶手鍊,堪輿學家麥玲玲昨日接受訪問,她指白水晶有助增強智慧:「睇伍姑娘嗰繞法,應該係有108粒珠,除咗催運,仲可以用嚟諗經用。至於白水晶有淨化、消解雜念提升人嘅智慧,增強人嘅分析力同頭腦清醒。線尾縛咗幾粒綠晶,有旺事業、健康同增強正能量作用。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載