蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月26日

【民生90周年校慶】張崇德拍MV做監製 彭羚獻聲要錄幾次

16,899
建立時間 (HKT): 0626 19:35
攝影﹕仇志德(蘋果日報)

民生書院舊生之一張崇德今日同老婆劉美娟一齊出席,喺九龍灣展貿舉行嘅民生書院90周年校慶活動,佢哋話今日小朋友冇跟埋一齊嚟,淨係得佢哋兩公婆。佢哋之前為學校製作咗首新歌《光與生命》MV,張崇德更有份擔任監製。今次個MV由林嘉欣老公袁劍偉做導演,同場仲有陳秋霞、林志美、張崇基、王維基、高永文夫婦。

張崇德話﹕「當年自己讀到中四就離開咗去加拿大,同啲同學都比較少聯絡,之前拍MV遇番啲十年冇見嘅朋友,o依家就同某幾個同學都有固定嘅聯絡。」另外,佢之前同老婆都有為學校出席一啲講座,同阿哥都有做歌唱比賽評判。被問到會唔會同啲同學傾下湊仔經?佢就話,通常見番啲同學都係都係回顧番啲舊事。

講返今次拍MV做監製,彭羚、陳秋霞、林志美又有份獻聲,張崇德就話,因為有今次校慶先可以促成呢個組合,所覺得好開心。佢又話對彭羚熟悉啲,仲話彭羚喺錄音嘅旳候對自己要求好高,為咗出嚟效果好啲重覆錄咗幾次。彭羚話自己好耐冇唱歌,希望試多次,崇德就話試多次緊係歡迎啦!

陳秋霞、彭羚同林志美都有到場,佢哋一齊影咗張大合照,不過因為場內活動就開始,佢哋冇接受傳媒訪問,只係由陳秋霞做代表多謝大家:「多謝大家今日嚟,我哋個MV首播,為咗MV辛苦咗好多日,由我作曲開始,到今日有成果,差唔多一百日,今次合作發揮咗『民生精神』。」林志美就同彭羚在旁再感謝傳媒到訪。


娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載