蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月29日

【短片】【獨家有圖】黎明新女JC起底名校出身有家底IG勁晒比堅尼

建立時間 (HKT): 0629 06:00

黎明(Leon)嘅唱片公司AMusic,走下一個走下又一個,正當大家以為成間公司得番佢同馬天佑兩個男丁,原來Leon秘密簽咗個新女仔——JC。

對J字好似情有獨鍾嘅黎明,簽番嚟呢個女仔叫JC,唱片公司上周二將佢嘅國語新歌《說散就散》放上網,正評不絕,但AMusic就用番以前嗰套,冇公開JC個樣,只係見到佢嘅側面,聲稱JC今年18歲,係土生土長香港人,啱啱考完DSE,其他嘢就無可奉告,幾時出嚟見人都話未知。(新聞連結: http://bit.ly/294yaRF )

不過呢!作為一位地球人,身邊又有咁多地球人,要完全隱藏一個人嘅身份,真係唔易嘅,《蘋果》今日就收到讀者報料,佢話JC今年18歲,中文名叫陳詠桐,英文名就叫Jennifer,佢之前喺嘉諾撒聖方濟各書院讀書,啱啱考完DSE。

讀者羅小姐透露:「佢喺學校嘅成績屬於中上啦,因為係女校,咁女仔都會一堆堆玩,佢身邊都有好多女仔圍住佢㗎,佢就好似大家姐咁囉!」

問羅小姐知唔知JC家底係咪好厚?佢就話唔太清楚:「唔知佢係咪好有錢,但一定唔差囉,我知佢係家中獨女,之前有個男朋友,不過依家分咗手。」問羅小姐覺得JC人緣好唔好?佢話只係一般,又話JC有時都覺得自己係女神咁,但就話佢彈琴都唔錯嘅。

不過,睇過JC放喺ig嘅相,佢屬唔屬於女神呢就見仁見智,但係佢唔介意晒三點式泳照,就肯肯定佢對自己嘅身材都有一定信心嘅,再加上佢帶點卡通feel嘅一字眉,都幾可愛吖!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載