蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年06月30日

【萬惡淫為首】無綫睇中祥哥《東華》演出吸廣告 祥嫂企硬:我唔同意,亦唔應該!

祥嫂話祥哥啲演出都係為慈善出力,唔希望被包裝成商品。(攝影:馬建華)
建立時間 (HKT): 0630 06:00

中如果提起新馬師曾(原名鄧永祥),可能80中後或90後應該冇乜人有印象,但一提到「冬天飲歌」嗰句「冷得我騰…騰…震……」呢,就一定識,因為呢句歌詞,係嚟自祥哥名曲《萬惡淫為首》嘅第一句。

慈善伶王祥哥雖然已經離世,但他昔日在《歡樂滿東華》的身影,在很多觀眾心目中,都仍然係記憶猶新。

「祥嫂」洪金梅今晚現身北角新光戲院欣賞《封神榜‧二郎傳奇》,祥哥生前愛徒有份演出,祥哥0舊拍檔吳君麗亦有出席。李居明親自接祥嫂,仲一齊受訪,李居明話祥嫂輩份好高,台前幕後都嗌佢做師婆,個個都向佢鞠躬,大讚祥嫂好有地位。祥嫂就話自己:「我係為藝術而嚟,為後生而嚟。」

李居明喺側邊仲爆料,話大台打算搞個戲曲台,仲想用番祥哥生前喺《東華》嘅籌款片段,佢話祥嫂想知啲片段會點用,同埋覺得唔應該太商業。問祥嫂大台可有聯絡過她?她稱:「未,頭先啱啱阿大師(李居明)同我提及之嘛。」祥嫂支持搞粵曲台,但因為啲片段之前係以慈善嘅方式做,所以唔應該包裝成一個商品,或者廣告推出:「免費台呢就應該嘅,可以畀大家欣賞,唔好吓吓講話要畀錢,如果你話TVB攞出嚟播,不論你收廣告好、收其他費用都好,我祥嫂覺得唔同意,亦都唔應該。」

祥嫂仲話:「(TVB)你咁大個機構,都唔係志在嗰多少啦,何必唔方便吓大眾呢?尤其係近年,個經濟係有困難噃,更加應該多啲免費嘅娛樂,啱唔啱呀?」

李居明謂,祥嫂希望大台用祥哥啲片前,會同通知一聲,然後由他將祥嫂嘅意見,轉達予籌備戲曲台嘅丘亞葵同何哲圖。可是究竟祥哥生前在《東華》慈善演出的影片版權誰邊?李居明就謂因為喺慈善騷,所以版權都應該係歸TVB嘅。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載