蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月04日

【短片】【獨家‧多圖】最激玩半祼33C孫慧雪寫真零P圖!

建立時間 (HKT): 0704 06:00

今年寫真戰,出書o靚模真係弱咗啲,唯一焦點相信非宅男女神孫慧雪莫屬,下星期一生日就34歲嘅雪雪,佢入行10年,終於.....係終於的起心肝出本寫真留念,佢話呢本係第一本,亦係最後一本。

寫真去到台灣墾丁取景,3日外景,吸晴度十足。寫真集叫《Once》,打算嚟緊周日推出,順便賀雪雪牛一喎。據知呢本寫真成本約6位數字,首批出版數千本。

搶先睇吓雪雪本寫真乜嘢料,33C、25同35三圍嘅雪雪,佢話今次本書有20個造型,最激話有半祼喎,佢話全部啲衫自己揀,盡顯佢「笑女」真面目,雪雪今日接受《蘋果》電話訪問,到底佢最滿意自己body邊部份,佢話:「係笑容,不過影嗰時猛叫我唔好笑喎。」身形唔滿意咩?佢話:「我對自己身形唔係咁有自信,成日覺自己有少少肥。」雪雪強調寫真相係零美圖,全部係原圖,佢好怕刻意執到自己出瘦樣示人。

雪雪話呢排趕劇,所以攝咗檔期出埠拍攝,去到墾丁又遇上驟睛驟雨,佢哋睇住個天氣影相,3日行程趕到爆。至於影寫真前準備功夫,雪雪話:「兩日我睇咗100本寫真攞感覺,綜合嚟講,我最鍾意係日本啲,我就攞咗嗰啲feel入去。」雪雪話扑搥影真:「再唔出,唔知將來keep唔keep到,趁靚影一本留念唔後悔。」大家知道雪雪出寫真,爭住問佢攞「福利」,佢話:「有男有女爭住叫我送書,我一視同仁,全部叫大家幫襯。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載