蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月04日

【短片】【紅隧爆炸】仿真紅隧拍煞科戲劉德華:以為自己喺紅磡

建立時間 (HKT): 0704 06:00

今早《遊棄人間》fb專頁貼了一張紅隧圖片——似是一場大爆炸後,滿目瘡痍的照片……是真?是假?返工時段喎!!!(連結: http://bit.ly/29j6TqJ )

其實此圖個景,來自劉德華新片《拆彈專家》,該片日前拍完,煞科戲,正正就係要喺紅隧拍,但真正嘅紅隧每日咁多車行,點可能借俾電影公司拍呀!所以只可以搭一條假嘅嚟拍,連華仔都大讚「紅隧」仿真度相當高:「喺假紅隧拍戲,以為自己喺紅磡!」

華仔更介紹這條「紅隧」,佢話:「呢度係紅隧,即使政府想收番呢條隧道,亦都係屬於我哋嘅!係我哋起嘅!呢邊係紅隧入口,而嗰邊係銅鑼灣去尖沙嘴嘅出口。」

《拆》片最後一場日前喺假紅隧拍完,當晚不停落緊大雨,到關機時已經係凌晨時份,啲雨咁啱落停,現場啲工作人員都好開心可以收工!華仔同導演邱禮濤及古監製於「紅隧」管道口準備開香檳慶祝時,成班人同佢影大合照,但有部份工作人員想影單人合照相,但因現場人數太多,佢都唔可能逐一拍照留念,不過佢喺現場同工作人員講:「我哋仲有慰勞宴、慶功宴,票房過10億,我哋又可以再食飯慶祝。」

提到這條經過近兩個月搭建嘅紅隧將會拆走,華仔話有啲唔捨得,佢話:「有啲嘢唔走,另一啲嘢就唔會嚟,或者下次我哋會搭建其他嘢。由上次中環到今次紅隧,希望香港電影能夠越來越國際化,達到我地自強不息嘅理念。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載