蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月11日

【不識時務】被放棄9年情滕麗名依然維護魏駿傑

建立時間 (HKT): 0711 06:00

識時務者…魏駿傑…之但係自從佢離開咗滕麗名(阿滕),就冇呢支歌仔唱,由識時務變成「不識時務者」,火速降呢,仲將佢老婆張利華同阿滕比較,講真o依家佢哋各自有各自嘅生活……

40歲阿滕最近返大台拍劇,唔少觀眾讚阿滕keep得幾好,阿滕喺圈中形象唔錯,最為人知就係佢同魏駿傑嘅9年情,當年佢哋拍《陀槍師姐》而擦出愛火花,冇耐佢哋喺西貢築愛巢同居,二人亦唔介意人前人後晒恩愛,外界都當佢哋係「金童玉女」,不過二人忽然喺2007年爆出分手,滕麗名左手手臂、手腕及頸部,更無故出現傷痕,令人懷疑是受情傷所致,不過滕麗名依然維護魏駿傑,堅稱分手絕無第三者出現。

魏駿傑同阿滕分手3年,就同細佢20年嘅重慶女大學生張利華喺重慶閃電結婚,婚後育有一女,當年有fans重提舊戀事辣㷫魏駿傑,佢就曾以「你去死吧」回應。

直至阿滕2013年將同金融才俊男友朱建崑(Matthew)結婚時,傳出舊愛魏駿傑結婚生女後,竟透過手機短訊提出復合,但男方及後否認,滕麗名表示有證據在手,又暗寸舊愛係「玩嘢王」,同年年尾,阿滕喺泰國蘇梅島的沙灘舉行婚禮,同金融才俊男友朱建崑(Matthew)結婚(新聞連結: http://bit.ly/29FDU0S )

不過,魏駿傑上年婚姻觸礁,傳大陸嫩妻張利華同前港隊單車手鄧宏業介入,兩公婆仲被影喺街上吵大鑊,醞釀離婚,事後魏駿傑稱佢哋結婚7年,可能真係老生常談7年之癢,問題係維繫方面,唔係乜嘢第三者,魏駿傑更否認同太太離婚,強調太太都想維繫婚姻,二人專心照顧囡囡(新聞連結: http://bit.ly/29ZoLH3 )。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載