蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月14日

【索到噴血】呢期興凍齡熟女熟透張慧儀S形殺晒

攝影:卓寶花
建立時間 (HKT): 0714 06:00

張慧儀、徐子珊、錢國偉今日到香港遊艇會出席關於保護海鳥音樂劇小說「崗瓦納之約」捐贈儀式,幾位嘉賓同小說作者謝勤份屬好友,專登撐場支持,仲上台分享相識經過。

慧儀同子珊兩人同以貼身裙現身顯現S身形,張慧儀絕不遜色於子珊,身材仍然惹火,估唔到keep住S身材妙法係:「我冇刻意減肥,秘訣係朝早六點起身湊仔煮早餐再返學,之後去街市買餸再工作,再接仔放學返家煮飯,慢慢就瘦,依家keep住。」

慧儀分享時話好欣賞謝勤墨水,希望對方能合作出本書。慧儀又謂:「我諗法係,領養囝囝時唔係一個好健康小朋友,出書想留返俾自己睇過程同回憶。原本上年可開始,但各自忙又未落實,希望盡快啦。」慧儀下月將到大陸開劇,現時囝囝開始放暑假,稍後會帶兒子到內地開工,認為呢個係最好身教,能夠耳濡目染。

徐子珊則鼓勵好友出書,實現夢想。子珊謙稱寫嘢唔叻,暫冇出書打算,依家主力忙緊搞自己網上珠寶生意。

子珊簽咗王祖藍間公司後,自不然同老闆一樣愛國,稍後會主力喺大陸發展,下星期去北京影宣傳照、訪問等為打入國內巿場舖路。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載