蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月15日

【短片】【FFx內訌羅生門】Christy唔認與前經理人有關係邊個講大話:心照囉

建立時間 (HKT): 0715 06:00

因為一首900蚊廉價歌曲《SugarBaby》MV而成名嘅騎呢女子組合FFx,佢哋開完嗰個九成空凳嘅演唱會之後,跟手就火速拆夥,Shirley被踢走兼傳佢安排姊妹出席飯局搵快錢。

今日Shirley(楊澤怡)喊晒口爆大鑊,聲稱自己喺呢兩年畀前經理人何英傑(Sam)都要求發生關係兼迫要做佢女朋友,收工都去時鐘酒店,之後仲爆Sam自從追求咗Christy(周葆諭)之後,Sam就唔要佢。Shirley仲唔認帶Christy去啲卡拉OK跳艷舞嘅地方,自言佢同Christy識咗好耐,唔明對方點解要講大話。

Christy今日接受《蘋果》訪問,佢話睇到呢單新聞覺得好震撼,好唐突,講到佢同阿Sam嘅關係,Christy話:「因為佢講嘅嘢係假,佢話我同前經理人,即係阿Sam有發生過嗰啲嘅事,其實係完全冇發生過,我咁講,即係我如果有發生過呢啲事,即使呢啲事係真嘅,我一定會報警,我唔會咁唔識保護我自己囉。」佢仲話:「我入隊嗰陣只係得14歲,依家先得嗰17歲,成件事犯法,我一定會更加保護我自己,第二就係呢件事係冇可能發生。」

Christy話同李詩詠(Ceci)、潘穎琳(Mizaki)商量過,本來都唔想再回應,佢哋都唔希望呢件事沒了沒完咁講落去,不過佢話:「呢件事太污辱我嘅名聲,所以先要去回應,其他嘢唔想再回應,我哋講嘅事,佢澄清嘅事,係咪講真係咪講假?真係天知地知。但係我哋夠膽講,我哋三個姊妹所講嘅嘢,全部都係事實,所以我哋唔想再回應,因為清者自清,事實自然會有知,佢係咪講大話,抑或係咪講真話,心照囉!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載