› 選擇地區
三藩市
紐約
洛杉磯
其他美國地區
香港 台灣 北美
 
2016年07月18日

【短片】【又落錯注…】35歲李施嬅疑甩富商再搵有錢仔慘變第三者?

建立時間 (HKT): 0718 06:00

「胡說八道」會,成員之一嘅杏兒,今年嫁咗俾Philip(李承德),做咗李太,姚子羚同的士邦(鄭子邦)感情穩定,而胡定欣同音樂人陳明道(Terry)就傳度緊婚期。

好姊妹齊齊有着落,至於成員李施嬅(Selena),上年傳佢戀富商潘樹維等做少奶奶……

眼見姊妹個個有個好歸宿,一心諗住入豪門嘅李施嬅,之前同富商潘樹維感情穩定嗰陣,刻意減產玩低調,奈何埋門疑一腳撻Q,今年35歲嘅佢要結婚生B嗰陣,盛傳要「重新上市」,原來最近又有新目標。

今日有讀者李先生,向《蘋果》爆料指,李施嬅近半年為結識富二代,不時同姚子羚一班姐妹,約本身做公關嘅丁子高出嚟聚會,乘機吊金龜。

舊年聖誕,李施嬅就結識咗富二代FelixChow,旋即打得火熱。從李先生提供嘅相中,只見合照中,飲到面紅紅嘅姚子羚、胡定欣同李施嬅,就同傳聞撻着嘅FelixChow一齊影相,丁子高亦有份在場。

不過讀者李先生指FelixChow,本身有個已拍拖10多年嘅正印女友,所以只係當李施嬅係parttime情人……!喺李先生提供嘅另一張相,就係FelixChow同相信係正印女友嘅合照。

照咁講,唔通李施嬅今次又……又落錯注?!

《蘋果》今日打畀丁子高,佢回覆話:「呢幅相好耐,3至4個月前,嗰晚係一個20幾人聚會,知道姚子羚會帶Selena嚟,Felix係我朋友,但冇撮合過,之後聚會我都冇見過!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載