蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月24日

【多一蚊都係破紀錄】《寒戰2》香港票房收5800萬團隊喺城城演唱會搞慶功

攝影﹕卓寶花
建立時間 (HKT): 0724 06:00

郭富城、梁家輝同周潤發三大影帝主演嘅《寒戰2》今日票房截至3點,已經收約5660萬,內地就收約6.44億,城城今日同兩位導演陸劍青、梁樂民都去咗官塘apm戲院謝票,喺場內同觀眾玩遊戲兼送小禮物。點解上咗成17日都仲去戲院謝票?因為香港今年嘅華語片票房冠軍《美人魚》所保持嘅5523萬票房已經俾《寒》片打破咗,估計過埋今日,香港票房就達到5800萬,以呢部戲嘅票房走勢,確實有好大機會破《那些年,我們一起追的女孩》保持嘅6185萬華語片票房紀碌。

好老實,香港華語片票房冠軍俾部台灣片霸咗咁耐又的確好冇面,好多香港影人都希望《寒戰2》可以收復失地,幫香港片爭番啖氣,依家兩部戲距離只差385萬,如無意外,過埋呢個禮拜,應該有望刷新紀錄,成為華語片票房冠軍。問城城希望票房有幾多?佢話:「想破紀錄先,唔好諗幾多,一蚊都係破。希望未睇巿民去捧場,大家合力去破紀錄,之後我要投入演唱會綵排。」

電影團隊曾透露喺城城演唱會期間踩台,佢話:「慶功就係演唱會搞,12場演唱會隨時歡迎踩台。」兩位導演陸劍青和梁樂民就表示稍後會旅行充電,再構思係咪拍續集,希望有新演員新火花,仲講笑話:「大家老婆都投訴,話我地成日一齊,問我地係咪基。」


攝影:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載