› 選擇地區
三藩市
紐約
洛杉磯
其他美國地區
香港 台灣 北美
 
2016年08月24日

【獨家】榮升特級筍盤 馬國明續約無綫 擲2,000萬買太古城特色戶

最後更新: 0824 21:56 / 建立時間 (HKT): 0824 00:00

馬國明真係一級筍盤,仲係筍盤之中嘅超筍盤!根據土地註冊處資料,太古城金楓閣頂特色戶,月前以1,960萬元登記售出,實用面積1,046方呎,折合呎價約18,738元。新買家個名,係馬國明。

相關新聞:【一齊睇成人台】自爆與馬國明同床 62歲心姐瞓醒之後…

《蘋果》收到消息,指一直同無綫傾完又傾傾完再傾都未落筆續約嘅馬明,終於決定咗——續約,繼續效力大台。咁都好,當林保怡林峯吳卓羲鄭嘉穎等等都走人,盛傳黃宗澤於明年二月約滿後亦離巢,來來去去睇陳豪黎耀祥,唔是辦法。而且馬國明一向有觀眾緣,無綫亦明白這點,所以今次續約條件講明俾更大自由度對方,有自由先可以搵得多啲0架嘛,雙方一拍即合囉。

咁今次買樓係咪續約禮物呢?即係咁,馬明講買樓已經講足8年。出名係孝順仔嘅佢,一直與家人住太古城一個九百多呎單位,屬家庭物業。08年馬明喺專訪中已經話想買樓,買大啲同屋企人住囉。2014年新世界發展嘅北角柏傲山開售,馬明有睇過示範單位,但最後冇買。

其實馬明一直有意買番太古城作投資,貪其是港島區樓價指標,但太古城放售機會可遇不可求,而且就算有都未必啱心水,所以等到依家。據知馬明遲下會放租現住嘅單位,同家人搬入新屋。

馬明唔止筍,仲好孝順,馬明多年來都係同家人一齊住,將來亦都係:「我真係未諗過搬開住,爸爸退咗休,媽媽係家庭主婦,我算開始有啲事業養家,independence係唔需要依賴,反過來可以俾老人家依賴下我,唔係更有滿足感咩?」真係好Man!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載