蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月25日

【動畫‧獨家有片】仔女都喺美加出世 44歲趙文卓安排大陸妻來港產子

331,199
最後更新: 0825 20:33 / 建立時間 (HKT): 0825 00:01

影壇又多位多仔公,武打男星趙文卓,本身同前女友「小連」育有一子(趙元達),而佢同老婆張丹露亦育有一仔一女(趙紫陽及趙子龍),喺今年5月佢再宣佈老婆陀第三胎,唔覺唔覺,張丹露臨盆在即,愛妻號趙文卓仲停工陪太太,日前佢又陪老婆影咗噴血大肚寫真,認真sweet到爆。

相關新聞:【宇宙最強都頂唔順】甄子丹不滿趙文卓扮大牌 揚言唔會再合作

趙文卓同前女友「小連」所生嘅大仔——趙元達,係喺加拿大出世;同老婆張丹露生嘅大女趙紫陽喺美國出世,二子趙子龍喺香港出世,今次又安排老婆嚟香港生。

咁啱喺上星期又見到趙文卓拖住個肚好似籮咁大嘅太太張丹露現身中環ifc,趙文卓全程對太太呵護備至,太太亦都好乖咁着住平底鞋,間唔中仲見到佢摸吓個肚添!話晒shopping係女人嘅天性,嗰陣見到佢兩公婆喺鞋店揀鞋,唔覺唔覺試咗半個鐘,買咗兩對鞋先走人!

相關新聞:【你懂的】點解唔喺大陸生?楊冪孫儷羅嘉良老婆拉隊來港生B

臨走嗰陣佢哋兩公婆撞到啲朋友,大家企喺度傾咗幾句先走人,之後就去停車場拎車走人,其實自從趙文卓宣佈有咗第三胎之後,經常喺香港見到佢兩公婆嘅踪影,加上見到佢揸架車只係有香港車牌,睇番啲資料,趙文卓嘅囡囡趙紫陽2007年喺美國出世,囝囝趙子龍2011年喺香港出世,所以今次都唔例外,第三胎囡囡亦都會安排喺香港出世。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載