› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

【冇林峯冇阿佘】無綫再拍《使徒行者2》——又玩中港合拍!

陳豪將會參與《使2》嘅演出。
最後更新: 0825 20:41 / 建立時間 (HKT): 0825 14:44

林峯、佘詩曼同許紹雄演出嘅大台劇集《使徒行者》,當日收視同口碑都唔錯,於是乎基於好嘢要無限翻拍嘅情況下,大台火速開拍續集同電影版。《使徒行者2》最初屬意原班人馬演出,不過因為林峯同阿佘先後離巢,所以要另覓人選,最後有傳會搵陳法拉或者楊怡。

相關新聞:【回帶mode】《創世紀》許文彪神預言香港畸形樓巿:呢個世界公平咩?

不過謎底終於揭盅,今日有內地傳媒報道,大台今日會拉隊去北京出席影視展,到時除咗宣傳新劇之外,仲會為《使徒行者2》同《再創世紀》舉行記者會,有份演出《使2》嘅名單包括周柏豪、苗僑偉、陳豪及許紹雄,宣萱同黃翠如亦都會參與。

今朝蕭正楠、黃翠如、田蕊妮、陳豪、郭晉安以及周柏豪等現身香港機場,陳豪話今次係志在參與,因為唔想離開屋企太長時間,所以活動之後會即刻返嚟,唔知呢個又係咪佢唔去賺人仔嘅原因呢?陳豪話:「唔會係主要原因,有時係因為劇本,有時係因為檔期問題,依家我都係等適當嘅合作機會出現。」

相關新聞:【宣萱加入】無綫新劇《使徒行者2》係前傳 陳豪演反派

蕭正楠同黃翠如一齊去機會,見到男嘅拖喼,女嘅兩手fing fing咁出現,佢哋兩個將啲行裝放埋一齊,似乎已經去到同居階段?不過翠如話:「我今朝收工先去佢一齊出發。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載