蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月25日

【回帶mode】《創世紀》許文彪神預言香港畸形樓巿:呢個世界公平咩?

21,971
陳錦鴻同羅嘉良喺《創世紀》中有多場對手戲,當中講香港畸形地產嘅更係完全貼合近年嘅香港巿況。
最後更新: 0825 22:31 / 建立時間 (HKT): 0825 15:09

《創世紀》係無綫於1998年嘅台慶劇,戚其義監製,歐冠英、周旭明、司徒錦源、梁敏華、湯健萍任編審,由羅嘉良、郭晉安、古天樂、陳錦鴻、吳奇隆、郭可盈、蔡少芬、陳慧珊、汪明荃、邵美琪等當時得令嘅小生同花旦主演,全劇分兩輯(第2輯為《創世紀2天地有情》),合共106集。故事係講述一名商家葉榮添(羅嘉良飾演)嘅發跡經過,講佢點樣由一間貿易公司老闆仔,一路發展到「力天世紀」建築公司嘅主席,再去發展「無煙城」嘅龐大合作計劃,講述港人點樣發奮向上,努力工作,故事時間覆蓋到1990至2010之間嘅回歸前後變化。

相關新聞:【冇林峯冇阿佘】無綫再拍《使徒行者2》——又玩中港合拍!

至於許文彪(陳錦鴻飾演)喺劇中嘅一段關於房地產被炒到貴晒,佢對住葉榮添大罵香港畸形樓市及無良地產商,嗰段對白喺前幾年被網民搵番出嚟,發現同香港嘅情況非常脗合,更成為網絡潮文。佢話:

「我唔係冇試過,我試過安份守己,日搏夜搏,賺嗰一萬幾千,我試過,但係出面果班人,出面嗰班人呀,佢哋識建築、識起樓咩?佢只係攞少少錢出嚟,攞少少時間,炒起個樓市就不停喺度賺大錢,咁叫公平咩?你出去問吓人,是但問一個人,問吓佢哋想要啲乜嘢?佢哋嘅答案好簡單,只係想要一間好普通好普通嘅樓!點解佢哋要用成世人嘅時間去供一層樓呀?因為啲有錢佬係度玩嘢呀!越有錢就越有得玩呀!呢個世界公平咩?呢個世界公平咩?」

相關新聞:【宣萱加入】無綫新劇《使徒行者2》係前傳 陳豪演反派

係囉,明明係套港人熱血勵志劇,突然間被強行硬插「中港人民一齊發奮」嘅內容,係囉,咁又公平咩?呢個世界公平咩?

順帶一提,《創世紀2——天地有情》大結局一幕,無煙城終於完工,仲大放煙花,葉榮添同美娜(郭可盈)重遇……放煙花呢下,可以接落去《創世紀3》喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載