› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

【宣萱加入】無綫新劇《使徒行者2》係前傳 陳豪演反派

好耐冇做奸角嘅陳豪,喺新劇可以再試做奸角。
建立時間 (HKT): 0825 20:40

成日都自己複製自己啲劇嘅無綫,今日拉大隊去北京出席《TVB 2016皇牌影視劇及業務發布會》及《愛奇藝TVB策略聯盟》,今次係宣佈同愛奇藝簽署合作協議,將90年代經典劇《創世紀》開拍續集《再創世紀》,兼且仲會開拍《使徒行者2》。

相關新聞:【回帶mode】《創世紀》許文彪神預言香港畸形樓巿:呢個世界公平咩?

喺今日舉行嘅《使徒行者2》記者會,除咗苗僑偉同許紹雄繼續演出之外,仲會加入陳豪、周柏豪、袁偉豪、黃翠如同宣萱等等。港視回巢嘅蘇萬聰將會擔任監製,做咗好多年好男人角色嘅陳豪,今次會做大反派:「呢個對我嚟講係一個新挑戰,我已經好多年冇做過反派,係加上呢套劇個名對我嚟講亦都有壓力同挑戰,希望可以快啲融入整個團隊。」

佢仲話自己諗咗啲新元素,所以會同監製研究,睇吓點樣加入套劇,提升一吓。「歡喜哥」許紹雄話呢套劇係前傳,所以佢只會有老婆出現,唔會有小三,佢仲搞笑話自己係新人,所以要向向前輩學習。三哥話題材係新故事,仲話要同歡喜哥有啲互動。

相關新聞:【冇林峯冇阿佘】無綫再拍《使徒行者2》——又玩中港合拍!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載