蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月26日

【聲稱有女友】卓韻芝突然宣佈出櫃 自認雙性戀

407,239
最後更新: 0827 01:18 / 建立時間 (HKT): 0826 22:52

卓韻芝喺棟篤笑講完689同KOL,又同台下嘉賓互動講下笑,之後就到感情環節。卓韻芝仲講到佢阿婆嘅相處,佢同一個女仔拍拖,又問觀眾會唔會反對,不過就冇乜觀眾反對,阿芝話:「咁唔得喎,你哋唔反對,冇乜反抗力,你哋岐視我啦。」之後佢就開始講佢同阿婆自爆同女仔拍拖嘅故事。事後阿芝亦直認女友今晚都有捧場,兩人只是交往了一段時間,「不過識就識咗好耐喇,唔係圈內人嚟嘅,如果係明星,我一定會話俾大家聽。」

相關新聞:【o依家興藍色扮黃色】二元對立笑話觀眾聽唔明 卓韻芝即解釋:即係689啊

阿芝話:「有一晚我幫阿婆摺衫,其實嗰個女仔朋友係我女朋友,阿婆就即刻話:『吓,佢冇棍喎。』」阿芝接住話如果佢有兩條棍仲驚,阿婆就同我講:『呢個年代冇乜所謂啦。』阿婆咁講我好感恩,嗰刻我先發現阿婆做人個層次同程度,我同阿婆接完衫,佢仲同我講:『你係唔係想同我講呢啲嘢先同我摺衫?』我咪話係囉。阿婆仲走過嚟安慰我,o依家有個詞語好流行,係空氣感,簡直係講緊阿婆,其實做人有咩需要煩。」

現年37歲的卓韻芝,感情事多姿多采,但一直鍾情男士,國籍不拘,最緊要靚仔。2006年,阿芝疑因與男友發生感情問題及想念亡母而服藥自殺,令其任職金融界嘅男友Joey Chan身份曝光;2010年同MR成員譚傑明(MJ)拍拖,未幾分手,之後被爆與法籍男模夜場搭上,相識一星期阿芝已主動飛往法國會情郎,兩人打得火熱,網上更流出親密床照,由於當時正值其一連兩場《死去活來》棟篤笑宣傳期,難免令人懷疑「床照」真偽,阿芝當時亦聲稱不知親密照如何會在網上流傳。

相關新聞:【講笑啫!】卓韻芝呼籲大媽做警察:加入警隊去藥房買嘢有8折

爆出與法籍男友床照未幾,阿芝再被拍得與貌似荷李活影星祖迪羅(Jude Law)德籍金融才俊在中環蘇豪拍拖,期間阿芝更騎呢地當街狂啪烚蛋,然後同醉醉地嘅新歡街頭啜爆。兩男爭一女,被形容為「德法大戰」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載