蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日

【突然出櫃】自爆曾暗戀女生 卓韻芝:我係一個媾唔到女嘅雙性戀者

52,007
最後更新: 0827 15:52 / 建立時間 (HKT): 0827 00:00

卓韻芝噚晚(26號)喺棟篤笑上,突然自爆係同性戀,令不少人感意外。完騷後受訪時,阿芝解釋番點解揀呢個場合講出嚟:「都唔係話專登要自爆,但我諗唔到第二件事可以代表我對婆婆嘅尊敬,我覺得佢嘅器量真係好厲害,我當日同婆婆講真係感動到喊。」

相關新聞:【o依家興藍色扮黃色】二元對立笑話觀眾聽唔明 卓韻芝即解釋:即係689啊

問阿芝有冇帶呢個女朋友返去見婆婆,佢就話:「本身係識嘅,所以都冇需要去隱瞞。」問到性向點解會轉彎?佢就話:「真係唔知,其實都識咗好耐,覺得可能係鍾意佢,我當然係覺得佢好靚,其實細個都有暗戀過女同學,不過我都係一個媾唔到女嘅雙性戀者,缘份咁係喇。」

講到點樣表白,卓韻芝就話都係驚驚地咁去表白:「即係話『我好似鍾意咗你』嗰啲。」怕唔怕以後出街會被人影,佢就話:「都冇咩所謂喇,學婆婆咁,總之唔好咁多煩惱,我哋有何韻詩我哋頂住。」問到有冇迫婚,佢表示o依家感受下係點先。

相關新聞:【講笑啫!】卓韻芝呼籲大媽做警察:加入警隊去藥房買嘢有8折

講少咗政治,係唔係怕返唔到大陸,佢就話:「我只係想將香港市民嘅心聲、諗法講晒出嚟,從香港人出發去講嘢,見到大家入到嚟發洩、爆嗌,真係好開心,香港人真係需要呢啲。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載