蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日
馬上成為壹會員

【請奴隸搞氣氛?】Slide The City又搵「關公」 神奇膠被cut歌遭開咪侮辱

建立時間 (HKT): 0827 12:57

中環海濱滑水嘉年華「Slide The City」喺開場第一日就臨時甩轆,事緣主辦單位臨時改動場地工程,因為未獲發臨時公眾場所娛樂牌照(新聞連結: http://bit.ly/2c35Ter ),唔少玩家場外「摸門釘」,近千人受影響,當日下午兩點先開放供入場……呢頭先請完「關公」,點知今日「關公」又要出動,認真唔得閒!

相關新聞:【出事!】神奇膠感謝Supper Moment當紅不讓:Slide The City X你老X

噚晚大會安排咗本地樂隊Supper Moment、GDJYB 雞蛋蒸肉餅、per se、Kis & Band及神奇膠等,原本喺夜晚8點開騷,點知發生不愉快事件。有指大會遲開騷,令一眾本地樂隊出場遲咗,本來壓軸表演係Supper Moment,神奇膠由原本玩五首歌,而出場次序喺Supper Moment之前(即係尾二),點知到晚上10點,神奇膠忽然被cut歌,仲要調佢哋排喺Supper Moment演出後才出場,大會話要11點完show,要cut神奇膠兩首歌,過多陣,仲叫佢哋只可以玩兩首。當時Supper Moment成員即拒絕大會呢個安排。工作人員聽到就叫神奇膠拿拿聲上去玩兩首就落返嚟,仲叫神奇膠set嘢要簡單同快啲,點知神奇膠樂隊喺台上set嘢時,大會不停用咪講:「set完快啲開始,個鼓ok啦,唔使set啦,開始啦!」

神奇膠成員日新(Kelvin)亦喺「Slide The City」facebook專頁留言:「開咪催一隊band set嘢快啲係咩玩法?而整個演出連setting只係13分鐘,我哋已經好配合,敢問你哋有冇尊重樂隊?!玩2首歌咋,大恩大德沒齒難忘!」

相關新聞: 【被大會開咪催】神奇膠強調唔介意Cut歌 主音日新:自己嘅地位原來咁低

唔少網民都插爆大會一啲都唔尊重獨立樂隊,有份去睇騷嘅網民批評係大會太遲開show,而表演單位多,先搞到每人得好短時間,又指今次宣傳明顯唔夠,噚晚好少人睇騷,但門票就賣成$60,「成個活動由準備,收錢賣飛,開場,冇許可證,遲開場冇交待到」、「大會麻煩搞清楚。你係請樂隊演出,定還是請奴隸幫你搞氣氛?你不如開大對喇叭播歌算啦」、「希望你可以改正自己對音樂嘅態度,如果唔係你請幾勁嘅樂隊或者明星嚟唱都冇用」、「做乜cut神奇膠!做乜要催人set嘢?知唔知咩叫做尊重?!仲好意思學人講一眾追夢者,連最基本尊重都唔識?學咩人搞音樂show」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載