蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月27日

【出事!】神奇膠感謝Supper Moment當紅不讓:Slide The City X你老X

19,266
最後更新: 0827 20:29 / 建立時間 (HKT): 0827 13:20

噚晚「Slide The City」搵咗本地樂隊Supper Moment、GDJYB 雞蛋蒸肉餅、per se、Kis & Band及神奇膠等演出,主題為Band Sound,個騷原本喺夜晚8點開騷,點知發生不愉快事件。

相關新聞: 【被大會開咪催】神奇膠強調唔介意Cut歌 主音日新:自己嘅地位原來咁低

有指樂隊神奇膠原本玩五首歌,點知晚上10點忽然被cut歌,仲調佢哋排喺壓軸表演嘅Supper Moment演出後才出場,大會話要11點完show,最終叫佢哋只係玩兩首,出場前已經被工作人員催佢哋拿拿聲上去玩兩首就落返嚟,點知神奇膠樂隊喺台上set樂器嗰陣,大會不停用咪講:「set完快啲開始,個鼓ok啦,唔使set啦,開始啦!」

演出完「神奇膠」喺網上寫出感受,先講「神奇膠係冇公司,但你係咪都要尊重下獨立樂隊都係人?前後隊隊都3-5首,我哋2首」,佢仲話show fee已經冇同大會去計,叫佢哋上台唱兩首歌,神奇膠都配合,點知差唔多上台前,大會喺冇問意見嘅情況下,「居然冇人性到要將神奇膠掉去Supper Moment後面」,幸好當時Supper Moment主音Sunny幫口拒絕呢個安排。

相關新聞:【激讚Supper Moment有大將之風】險被大會調走 神奇膠主音日新:感恩Sunny表態幫忙

「神奇膠」亦感謝Supper當紅不讓,在心中,工作人員聽到就叫神奇膠拿拿聲上去玩兩首就落返嚟,仲叫神奇膠set嘢要簡單同快啲,「cut淨2首咋!10點20分咋!點會唔夠時間呀」,點點知神奇膠樂隊喺台上set嘢時,大會不停用咪講:「set完快啲開始,個鼓ok啦,唔洗set啦,開始啦!」最終神奇膠連set嘢加演出只係用咗13分鐘,神奇膠成員日新開咪第一句就爆粗:「今晚呢度好X大舊膠!」

神奇膠嘅網文批評搞手:「唔係只有簽咗公司嘅band先要尊重㗎,Slide The City!抵你今晚冇人嚟,我祝你下年開始冇人買飛添!你覺得我哋係獨立樂隊,冇公司撐冇人支持,冇傳訊力!!!所以連小小尊重都唔俾我哋丫嘛,咁我都唔洗俾面你個活動!我就要今晚全個band界都知你Slide The City有幾咁X街,幾咁唔尊重樂隊,幾咁冇禮貌。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載